အထက်မြန်မာပြည် အစိမ်းရောင်နှင့် နည်းပညာဖွံ့ဖြိုးရေး ဗဟိုပြု အပန်းဖြေဝန်ဆောင်မှုမြို့သစ် ဖန်တီးရန် ရည်ရွယ်ချက်ဖြင့် မန္တလေးတိုင်းဒေသကြီး ၊ ပြင်ဦးလွင်ခရိုင်၊ ရတနာပုံမြို့သစ်စီမံကိန်း(ဧက-၁၀၀၀၀) ဖွံ့ဖြိုးရေးနှင့် တည်ဆောက်ရေးလုပ်ငန်းများ ဆက်လက်အကောင်အထည် ဖော်ဆောင်နိုင်ရန် ရတနာပုံမြို့သစ် တည်ဆောက်ရေး စီမံကိန်းကြီးကြပ်မှု ကော်မတီ၏ (၂/၂၀၁၇) အစည်းအဝေးကို အောက်တိုဘာ ၂၈ ရက် နံနက်(၉) နာရီက ရတနာပုံ တယ်လီပို့ အဆောက်အဦ အစည်းအဝေးခန်းမ ဆောင်၌ ကျင်းပ ရာ ရတနာပုံမြို့သစ် တည်ဆောက်ရေး စီမံကိန်းကြီးကြပ်မှု ကော်မတီ ဥက္ကဋ္ဌ ဆောက်လုပ် ရေးဝန်ကြီးဌာန ၊ ပြည်ထောင်စုဝန်ကြီး ဦးဝင်းခိုင် တက်ရောက် အဖွင့် အမှာစကား ပြောကြားသည်။

အစည်းအဝေးတွင် ရတနာပုံမြို့သစ် တည်ဆောက်ရေး စီမံကိန်းကြီးကြပ်မှု ကော်မတီ ဥက္ကဋ္ဌ စီမံကိန်း၏ရည်မှန်းချက်မှာ ပြင်ဦးလွင်မြို့သည် အထက် မြန်မာပြည်၏ အစိမ်းရောင်နှင့်နည်းပညာ ဖွံ့ဖြိုးရေးဗဟိုပြု အပန်းဖြေဝန် ဆောင်မှုမြို့ (Green and Smart City) ဖန်တီးရန်ဖြစ်ပြီး ၎င်းစီမံကိန်း အတွက် Concept Plan နှင့် Master Plan ကို ရေးဆွဲရန် LH (Korea) အဖွဲ့အစည်း ၊ MLIT (Japan) အဖွဲ့ အစည်းများနှင့် ဆွေးနွေးပြီး ပူးဆောင် ရွက် သွားမည်ဖြစ်ကြောင်း၊ ယခုအခါ LH(Korea) မှ Master Plan ရေးဆွဲ ရန် အဖွဲ့ဖွဲ့စည်းပြီး မြို့ပြနှင့်အိမ်ရာဖွံ့ဖြိုး ရေးဦးစီးဌာနနှင့် ပူးပေါင်းပြီး စတင် ဆောင်ရွက် လျက်ရှိကြောင်း၊ MLIT (Japan) အဖွဲ့အစည်း ကို လည်း ၂စီမံကိန်း တည်ဆောက်ရေးဆိုင်ရာ သတင်း အချက်အလက် များကိုလည်း ပေးပို့ထားပြီး ဖြစ်ပါ ကြောင်း။

နိုင်ငံတော်နှင့် ဒေသဖွံ့ဖြိုးရေး အတွက် Green Growth အခြေပြု Smart စီပွားရေးဇုန် ထူထောင်ရန် ၊ သဘာဝပတ်ဝန်းကျင်အား မပျက်ဆီးစေဘဲ ဒေသခံများ အလုပ်အကိုင် အခွင့်အလမ်း ရရှိစေမယ့် စိုက်ပျိုးရေးကို အခြေခံသော Agro-Based Industrial Zone Research and Development Center တစ်ခု ထူထောင်ရန် ၊ Education and Health Services/ Tourism Center ဖန်တီးတည်ဆောက်ရန် ၊ ပြည် တွင်း/ပြည်ပ မှ ရင်းနှီးမြှုပ်နှံမှုများကို အားပေးဖိတ်ခေါ် ဆောင်ရွက်ရန်တို့ ဖြစ်ပါကြောင်း ။

စီမံကိန်းကို အပိုင်း(၃)ပိုင်း ခွဲပြီး ဆောင်ရွက်မှာဖြစ်ပြီး စီမံကိန်းအဆင့် (၁) မှာ ဧက (၂၂၀၀)ပါဝင်ပြီး ၊ Phase I အတွက် Zoning Plan နဲ့ Concept Plan တို့ကို အဆိုပြု ရေးဆွဲပြီး ဖြစ်ကြောင်း၊ Phase I မှာ ဧရိယာအခြေခံ အဆောက်အဦ Infrastructure များရှိနေပြီး ဖြစ်တဲ့အတွက်ကြောင့် ဦးစားပေး ရွေးချယ်အဆိုပြုခဲ့ပါကြောင်း၊ ၎င်းPhase I မှာ စက်မှုဇုန် ၊ လူနေ ဇုန်နှင့် Education and Health Services Zone တို့ အဓိက ထားပါဝင် ပြီး ၎င်းဇုန်များအတွက် လိုအပ်သော အခြား Facilities နဲ့ Services Zone တွေ ပါဝင်မှာ ဖြစ်ကြောင်း၊ စီမကိန်း ဧရိယာအပိုင်း(၂)မှာ တရားမဝင် ကျူးကျော်နေ ထိုင် မှုများ ရှိနေသောကြောင့် သင်လျော်သော လူနေ ဧရိယာများကို ဖော်ထုတ်နေရာ ချထားရေး လုပ်ငန်းများကိုလည်း တိုင်းဒေသကြီး အစိုးရအဖွဲ့နဲ့ ပူးပေါင်းဆောင်ရွက် သွား မည်ဖြစ်ကြောင်း။စီမံကိန်း အပိုင်း (၂)တွင် (၂၉၁၉) ဧက ပါဝင်ပြီး လူနေမြေ ၊ Mixed Develop-ment Zone၊အုပ်ချုပ်မှုဇုန်၊ စီးပွားရေးဇုန် ၊ စိုက်ပျိုးရေး အခြေပြုစက်မှုဇုန်နှင့် အသေးစား စက်မှုလက်မှုဇုန်တို့ အဓိကပါဝင် မှာဖြစ်ပြီး ၎င်းဧရိယာမှာ နေထိုင်သူများ အတွက် ပန်းခြံ၊ စိမ်းလန်းမြေနှင့် ဝန်ဆောင်မှု ဇုန်များလည်း ပါဝင်ပါကြောင်း ။

စီမံကိန်းအပိုင်း (၃)တွင် (၄၇၄၄) ဧက ကျယ်ဝန်းပြီး ၊ အဆင့်မြင့် လူနေ အိမ်ရာ၊ တန်ဖိုးမျှတအိမ်ရာ ၊ ဂေါက်ကွင်း ၊ စိုက်ပျိုးရေးဇုန်နှင့် AGRO PARK ဧရိယာများ ပါဝင်မည်ဖြစ်ကြောင်း ။၎င်းစီမံကိန်း Master Plan မှာ ပါဝင်သော အပိုင်း (၃)ပိုင်းတွင် အပိုင်း (၁)ကို စတင် အကောင်အထည်ဖော်မှာဖြစ်ပြီး စီမံကိန်း အောင်မြင်ရန် အတွက် အဆိုပြု Action Plan များ ချမှတ်ပြီး ရင်းနှီးမြှုပ်နှံမှုနှင့် အကောင် အထည်ဖော်မည့် နည်းလမ်းများကိုပါ တစ်ပါတည်း စဉ်းစားသွားမည် ဖြစ် ပါကြောင်း ။

အကောင်အထည်ဖော်လုပ်ငန်းများ ဆောင်ရွက်ရာတွင် လက်ရှိ စက်မှုဇုန်ကို အခြေခံအဆောက်အအုံများ ဖြည့်ဆည်းပေးခြင်း ၊ ဆောင်ရွက်ဆဲ စက်မှု လုပ်ငန်းများကို ပံ့ပိုးမှုပေးခြင်း၊စက်မှုမြေကွက်သစ်များ ဖော်ထုတ်ပြီး ပြည်တွင်း/ပြည်ပ လုပ်ငန်းရှင်များကို ဖိတ်ခေါ်ခြင်း ၊ စက်မှုမြေများ ငှာရမ်း / ရောင်းချခြင်း ၊ အကျိုးတူ ဆောင်ရွက်ခြင်း ၊ ပုဂ္ဂလိက ရင်းနှီးမြှုပ်နှံမှုများကို ဖိတ်ခေါ်ခြင်း (JV , BOT , PPP စနစ်) စသည်တို့ကို သက်ဆိုင်ရာ ဝန်ကြီး ဌာနများ၊ ကော်မတီအဖွဲ့ဝင်များမှစနစ်တကျ ပူးပေါင်းဆောင်ရွက် သွား မည်ဖြစ်ပါကြောင်း ပြောကြားသည်။

ထို့နောက် ရတနာပုံမြို့သစ် တည်ဆောက်ရေးစီမံကိန်း ကြီးကြပ် မှုကော်မတီ ဒုတိယ ဥက္ကဋ္ဌ ပို့ဆောင်ရေးနှင့် ဆက်သွယ်ရေး ဝန်ကြီးဌာန၊ ပြည်ထောင်စုဝန်ကြီး ဦးသန့်စင်မောင်က မြို့သစ်တည်ဆောက်ရေးနှင့် ပတ်သက်၍ Town Plan သည် အရေးကြီးပါကြောင်း ၊ စီမံကိန်းမြေများ ကိုလည်း အကျိုးရှိအောင် စနစ်တကျ အသုံးပြုဖို့ လိုပါကြောင်း ၊ စီမံကိန်း လုပ်ငန်းများကို တစ်ဆင့်ပြီးတစ်ဆင့်ဆောင်ရွက်ပြီး IT စက်မှုဇုန်၊ IT Infrastructure များ တစ်ခါတည်း ထည့်သွင်းဆောင်ရွက်ဖို့ လိုကြောင်း နှင့် ပြည်ပ ရင်နှီးမြှုပ်နှံမှုများ လာရောက်ရန် ဖိတ်ခေါ်ဖို့လိုကြောင်းဖြင့် ရှင်း လင်းပြောကြားသည်။

ယင်းနောက် မန္တလေးတိုင်းဒေသကြီး ဝန်ကြီးချုပ် ဦးဇော်မြင့်မောင်က ရတနာပုံ မြို့သစ်တည်ဆောက်ရေးလုပ်ငန်းဆိုင်ရာ ကိစ္စရပ်များ ၊ ပြင်ဦးလွင်မြို့ သည် ပြည်သူများ အပန်းဖြေလာရောက်ရန် နေရာဖြစ်သည့် အတွက် လမ်းများ ကောင်းမွန်ရေး အခြေခံကျ သည့် Infrastructure များ အဓိကထားစဉ်းစားဆောင်ရွက်ရေးနှင့် ပတ်သက်၍ ရှင်းလင်း ပြောကြားသည်။

ယင်းနောက် ရတနာပုံမြို့သစ် တည်ဆောက်ရေး စီမံကိန်းကြီးကြပ်မှု ကော်မတီ တွဲဖက် အတွင်းရေးမှူး မြို့ပြနှင့်အိမ်ရာဖွံ့ဖြိုးရေးဦးစီးဌာန၊ ညွှန်ကြားရေးမှူးချုပ် ဦးမင်းထိန်၊ တည်ဆောက်ရေးစီမံကိန်း လုပ်ငန်းကော်မတီ ဥက္ကဋ္ဌ ဆောက်လုပ်ရေး ဝန်ကြီးဌာန ဒုတိယဝန်ကြီး ဦးကျော်လင်း တို့က ရှင်းလင်းတင်ပြသည်။ ထို့နောက် ကဏ္ဍအလိုက် အကြံပြု ဆွေးနွေးတင်ပြကြသည် ။

တင်ပြချက်များအပေါ် ရတနာပုံမြို့သစ်တည်ဆောက်ရေးစီမံကိန်း ကြီးကြပ်မှု ကော်မတီ ၊ဒုတိယဥက္ကဋ္ဌ နှင့် ဥက္ကဋ္ဌတို့က လုပ်ငန်း လိုအပ်ချက် များ ပေါင်းစပ်ညှိနှိုင်း ဖြည့်ဆည်း ဆောင်ရွက်ပေးခဲ့ပြီး ဥက္ကဋ္ဌမှ နိဂုံးချုပ် အမှာစကား ပြောကြားသည်။

အဆိုပါ စီမံကိန်းမှာ နိုင်ငံတော်နှင့် ဒေသဖွံ့ဖြိုးရေးအတွက် Green Growth အခြေပြု Smart စီးပွားရေးဇုန်များ ထူထောင်ခြင်း ၊ သဘာဝ ပတ်ဝန်းကျင်အား ပျက်စီးမှု မရှိစေဘဲ ဒေသခံများ အလုပ်အကိုင် အခွင့် အလမ်းများ ရရှိစေမည့် စိုက်ပျိုးရေးအခြေခံ သော Agro-Based Industrial Zone နှင့် Research and Development Center တစ်ခု ထူထောင်ခြင်း ၊ Education and Health Services Tourism Center တစ်ခု ဖန်တီး တည်ဆောက်ခြင်းနှင့် မြို့ပြဖွံ့ဖြိုးရေးနှင့်အတူ ပြည်တွင်း/ပြည်ပ ရင်းနှီးမြှုပ်နှံ မှု များကို အားပေးဖိတ်ခေါ် ဆောင်ရွက်သွားမည် ဖြစ်ကြောင်း သတင်း ရရှိသည်။ 

Ref & Photo Credit : TheMandalayNewsJournal

Posted By : Ra Wai (ShweProperty.com)