ကျူးကျော်တွေအပါအဝင် ရန်ကုန်တိုင်းဒေသကြီးအတွင်း နေထိုင်ရန်ခက်ခဲနေသူများ နေရာချထား ပေးနိုင်ဖို့အတွက် ရန်ကုန်တိုင်းဒေသကြီးရဲ့အစီအစဉ်ဖြင့် လူမှုအဖွဲ့အစည်း အခြေစိုက်အိမ်ယာတွေကို အကောင်အထည်ဖော် ဆက်လက် ဆောင်ရွက်နေတယ်လို့ သိရှိရပါတယ်။
နေထိုင်ရန်ခက်ခဲနေသူများကို လစဉ်အရစ်ကျပေးသွင်းပြီး နေထိုင်နိုင်မည့် လူထူအခြေပြု အိမ်ရာစီမံကိန်းတွေလည်း ရွှေပြည်သာမြို့နယ်တွင် စတင် အကောင်အထည်ဖော် ဆောင်ရွက် ပြီးစီးလျက်ရှိပါတယ်။
လက်ရှိမှာဆိုလည်း ဒဂုံမြို့သစ်(အရှေ့ပိုင်း) မြို့နယ်၊ ဒဂုံမြို့သစ် (တောင်ပိုင်း) မြို့နယ်တို့တွင် တစ်ပြိုင်နက်တည်း ဆောက်လုပ်ဆောင်ရွက်နေပြီ ဖြစ်ကြောင်း သိရပါတယ်။
ဒဂုံမြို့သစ် (အရှေ့ပိုင်း) မြို့နယ် ဒဂုံတက္ကသိုလ်အနီးနားတွင် အလုံး ၃၀၀ နီးပါးကို စတင်တည်ဆောက်နေပြီဖြစ်ပြီး ဒဂုံမြို့သစ် (တောင်ပိုင်း) မြို့နယ်တွင်လည်း အလုံး ၁၅၀ ကို တည်ဆောက်နေပြီ ဖြစ်ပါတယ်။
ပထမဆုံးအကောင်အထည်ဖော် ဆောင်ရွက်ခဲ့သည့် ရွှေပြည်သာမြို့နယ်တွင် ကျပ်သိန်း ၃၀ တန် နေအိမ်တွေကို ဆောက်လုပ် ပြီးစီးခဲ့ပြီဖြစ်ပြီး အခုနှစ် မြို့နယ်တွင်လည်း ငွေကျပ် ၂၅ သိန်းတန် စုစုပေါင်း နေအိမ် ၂ မျိုးရှိတယ်လို့ သိရပါတယ်။
ယခုလက်ရှိ ဆောက်လုပ်နေသည့် နေအိမ်တွေကိုတော့ လာမည့် မတ်လအတွင်း ပြီးစီးအောင်ဆောက်လုပ်နေတယ်လို့ သတင်းရရှိပါတယ်။
ပျိုမေ့အိမ်လူမှုဖွံ့ဖြိုးတိုးတက်ရေးအသင်း တည်ထောင်သူ ဒေါ်ဗန်လီဇာအောင်က '' ဒဂုံမြို့သစ် (အရှေ့ပိုင်း)၊ (တောင်ပိုင်း) မြို့နယ်များတွင် လက်တွေ့သတင်းအချက်အလက် ကောက်ယူသည့်အခါ တစ်ယာက်နဲ့တစ်ယောက် ဝင်ငွေနှုန်းတွေ လုံးဝမတူပါဘူး။ အိမ်ဒီဇိုင်းတွေ စတင်ဆွဲတဲ့အခါမှာ ဝင်ငွေအရတတ်နိုင်တဲ့ ဒီဇိုင်းလေးတွေရှိပါတယ်။ အချို့ကမိသားစုအရ အိမ်ကြီးကြီးတွေ မလိုအပ်တာတွေလည်း တွေ့ရတဲ့အခါမှာ အိမ်ဒီဇိုင်းလေးတွေကို ပြင်ဆင်တာလေးတွေ ရှိပါတယ်။ အရှေ့ဒဂုံ၊ တောင်ဒဂုံတို့မှာ Size တွေက ကွာဟချက်လေးတွေတော့ရှိပါတယ်။ ''လို့ ပြောခဲ့ပါတယ်။
ဆက်လက်ပြီးတော့ '' တိုင်းဒေသကြီးအစိုးရက သူတို့ကို အဝေးကြီးပို့လိုက်တာထက် အကုန်လုံး infrastructure ရှိပြီးသား နေရာတွေမှာ ပံ့ပိုးပေးချင်ပါတယ်။ မြေနေရာတွေကိုလည်း ဒီလိုနေရာမျိုးမှာ ရွေးချယ်စေချင်တယ်။ ဒီလိုစီမံကိန်းတွေက အရမ်းအဆင်ပြေတယ်။ Infra တွေလည်းရှိပြီးသား ရပ်ကွက်ထဲမှာပေါ့နော် လူတွေအတွက် ပြောင်းရွေ့နေထိုင်ပြီးတော့ ဘဝအသစ်ကို အခြေကျဖို့ သူတု့ိက အရမ်းကို အဆင်ပြေတယ် '' လို့ ဒေါ်ဗန်လီဇာအောင်က ပြောခဲ့ပါတယ်။
နေထိုင်မည့်သူတွေကိုတော့ လွန်ခဲ့တဲ့ ၆ လ အတွင်းကပဲ သက်ဆိုင်ရာမြို့နယ်တွေမှာ စာရင်းကောက်ခံခဲ့တာပဲ ဖြစ်ပါတယ်။ စာရင်းကောက်ပြီးတော့ အိမ်တန်ဖိုးတတ်နိုင်တဲ့သူတွေကို ရွေးချယ်ခဲ့တာပါ။
ငွေကျပ်သိန်း ၃၀ တန် နေအိမ်တွေကတော့ တစ်လကို ငွေကျပ် ၇၉၅၀၀ ကျပ်ဖြင့် ၆ နှစ် အရစ်ကျပေးချေရမှာလည်း ဖြစ်ပါတယ်။
ငွေကျပ် ၂၅ သိန်းတန် နေအိမ်တွေကတော့ တစ်လကို ငွေကျပ် ၆၀၀၀၀ ဝန်းကျင် ပေးသွင်းရမှာ ဖြစ်ပါတယ်။
အခုနေအိမ်တွေကိုတော့ အစိုးရမြေပေါ်မှာ ဆောက်လုပ်ထားတာဖြစ်ပြီးတော့ ကနဦးအနေနဲ့တော့ နှစ် ၃၀ နေခွင့်ရှိတာဖြစ်ပြီး လိုအပ်သော ရေ၊ မီး ၊လမ်း တွေအတွက်ကို အစိုးရက ပံပိုးပေးသွားမှာ ဖြစ်တယ်လို့ သိရှိရပါတယ်။
လူမှုအဖွဲ့အစည်း အခြေပြုအိမ်ယာစီမံကိန်းကို ရွှေပြည်တော်မြို့နယ်မှာ စတင်အကောင်အထည် ဖော်ခဲ့တာဖြစ်ပြီး အိမ်ထောင်စုတစ်ခုကိုတော့ နေအိမ်တစ်လုံးနှုန်းကို (၁၈×၂၅) ပေ ပုံစံတူ နေအိမ် ၂၆၄ လုံးကို ဆောက်လုပ်ခဲ့တာဖြစ်ပြီး လက်ရှိမှာတော့ ပြီးစီးသွားပြီဖြစ်၍ ဇန်နဝါရီလ ၁ရက်နေ့မှ စတင် နေထိုင်နေပြီ ဖြစ်ကြောင်း သိရပါတယ်။
Ref & Photo Credit : Myanmar Builders Guide
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
