ဒဂုံအရှေ့ မြေကွက်တွေ ကုန်းတွင်းဆိပ်စီမံကိန်း ကြောင့် ဇူလိုင်လလယ်ဝန်းကျင်က ရက်ပိုင်းအတွင်း သိန်းရာဂဏန်းအထိ ဈေးအဆမတန်မြင့်တက်ခဲ့ပေမဲ့ သည်လထဲမှာတော့အဝယ်ပြန်အေးသွားတယ်တယ်လို့ သိရပါတယ်။
ဇာမဏီအကျိုးဆောင်မှ ဦးကျော်စွာက ' စီမံကိန်းလုပ်မယ် စကြားတုန်းကမြေဈေး တစ်ရက်တည်းနဲ့ကို မနက်နဲ့ည သိန်း၂၀ကျော်ဈေးမြင့်လာတာ၊ လမ်းမတန်းတွေမှာဆိုရင် သိန်း၁၀၀၀ နီးပါးထိကိုဈေးခေါ်လာကြတယ်၊ အခုက တင်ဒါခေါ်တဲ့ကိစ္စက ဘာမှမစသေးတော့ တက်ဈေးနဲ့ပဲ အဝယ်အေးသွားတယ် ' လို့ ပြောပါတယ်။
ဒဂုံအရှေ့ပိုင်းမှာစီမံကိန်းတွေ၊ စက်မှုဇုန်သစ်တွေ ဖော်ဆောင်မယ့် သတင်းတွေကြောင့် မြေကွက်ဈေးတွေ အဆမတန် ဈေးမြင့်လာပါတယ်။' အဆမတန်ဈေးတွေ ခေါ်နေကြတာပဲ၊ ဒါပေမဲ့ ဝယ်တဲ့သူမရှိဘူးဖြစ်နေတယ်၊ ရက်ပိုင်းပဲရှိသေးတယ်၊ အရောင်းအဝယ်ပြန်အေးသွားတာ၊ လက်ရှိဈေးကွက်ထဲမှာတော့ သိန်း၁၀၀ဝန်းကျင်အကွက်တွေပဲ
အရောင်းအဝယ်ဖြစ်နေတယ် ' လို့ ဒဂုံသီးသန့် အကျိုးဆောင်မကေသီကပြောတယ်။
ဒဂုံအရှေ့၁၂၆၊၁၂၉၊၁၃၅ စတဲ့ရပ်ကွက်တွေရှိ အတွင်းကွက်တွေရဲ့ ဈေးနှုန်းက ပေ၄၀ x ပေ၆၀ အကျယ်ကို ကျပ်သိန်း၃၀၀ ဝန်းကျင်ရှိပြီး လမ်းမတန်းမြေကွက် တွေက ကျပ်သိန်း ၉၀၀ ကျော်ရှိတယ်လို့သိရပါတယ်။စီမံကိန်းမဖြစ်သေးတာနဲ့ ခေါ်ဈေးတွေ မြင့်ပြီး ဝယ်သူပြန်နည်းသွားတာလို့ အကျိုးဆောင်အချို့ ကသုံးသပ်ကြပါတယ်။
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
