ဂန့်ဂေါမြို့နယ် မဟာဓာတ်အားလိုင်းမှူး ရုံးဝင်းအတွင်း ၄ ခန်းတွဲဝန်ထမ်းနေအိမ် ၂ လုံး၊ လုံးချင်း ဝန်ထမ်းနေအိမ် ၁ လုံး၊ ဂန့်ဂေါမြို့နယ် ကျောမြို့စခန်းခွဲတွင် ၄ ခန်းတွဲ ဝန်ထမ်းနေအိမ် ၁ လုံးတို့ကို ယခုနှစ်အတွင်း ဆောက်လုပ်သွားမည်ဖြစ်ကြောင်း ဂန့်ဂေါမြို့မဟာဓာတ်အားလိုင်းမှူးရုံးမှ သိရသည်။
ဂန့်ဂေါတွင် ဆောက်လုပ်မည့် ဝန်ထမ်းနေအိမ်များအတွက် လုပ်ငန်းဆိုင်ရာများ ရှင်းလင်းတင်ပြခြင်း ကို ယနေ့နံနက်တွင် ဂန့်ဂေါမြို့နယ် မဟာဓာတ်အားလိုင်းမှူးရုံး၌ ပြုလုပ်ရာ မကွေးတိုင်းဒေသကြီး လွှတ်တော်ကိုယ်စားလှယ် ဦးအောင်ဆန်းဝင်းက အမှာစကားပြောကြား ပြီး မဟာဓာတ်အားလိုင်းမှူး ဦးဟိန်းဇော်ထွန်းက လုပ်ငန်းဆိုင်ရာများရှင်းလင်းပြီး တင်ဒါအောင်မြင်သည့် ကုမ္ပဏီများက လုပ်ငန်းဆောင်ရွက်မည့် အချက်အလက်များကို ရှင်းလင်းတင်ပြကြသည်။
ထို့နောက် မကွေးတိုင်းဒေသကြီး လွှတ်တော်ကိုယ်စားလှယ် ဦအောင်ဆန်းဝင်း၊ ဂန့်ဂေါခရိုင် အုပ်ချုပ် ရေးမှူး ဦးကျော်မင်းညို၊ ဒုတိယမြို့နယ်အုပ်ချုပ်ရေးမှူး ဦးကျော်ကျော်ထွန်း၊ ဂန့်ဂေါမြို့ မဟာ ဓာတ်အားလိုင်းမှူး ဦးဟိန်းဇော်ထွန်းတို့က ဂန့်ဂေါတွင် ဆောက်လုပ်မည့် ဝန်ထမ်းနေအိမ်များအတွက် ပန္နက်တင်ဆောင်ရွက်ပေးကြောင်း သိရသည်။
Ref & Photo Credit : Myanmar Builders Guide
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
