ရန်ကုန်တိုင်းဒေသကြီးအစိုးရက စီမံခန့်ခွဲပိုင်ခွင့်ရှိသည့် မြေဧကများပေါ်တွင် တန်ဖိုးနည်း၊ တန်ဖိုးမျှအိမ်ရာများ ဆောက်လုပ်ရန် အဆိုပြုလွှာများ ခေါ်ယူလျက်ရှိသည်။
ရန်ကုန်မြို့တော်စည်ပင်သာယာရေးကော်မတီ တင်ဒါလက်ခံရေးနှင့် စိစစ်ရေး ကော်မတီက တစ်ဦးတည်းပိုင် မြေကွက်များ (သို့) ပူးတွဲပိုင်မြေကွက်များတွင် တန်ဖိုးနည်း၊တန်ဖိုးမျှ အိမ်ရစီမံကိန်းများဆောက်လုပ်ရန် ပြည်တွင်းတိုင်းရင်းသားပိုင်ကုမ္ပဏီများကို EOIအဆိုပြုလွှာများ တင်သွင်းရန် ဖိတ်ခေါ်ထားသည်။
တန်ဖိုးနည်း၊ တန်ဖိုးမျှအိမ်ရာများ ဆောက်လုပ်ရန် မြေကွက်များသတ်မှတ်ထားမှုမှာ ရွှေပြည်သာမြို့နယ်အတွင်းရှိ မြေတိုင်းအမှတ် (၉+၁၀) ရှိမြေဧက ၁ဝ ဧကခန့်၊ ဒဂုံမြို့သစ်တောင်ပိုင်းမြို့နယ်ရှိ မြေတိုင်းအမှတ် ၁၄၅ ရှိ မြေဧရီယာ ၈.၈၅၆ ဧကခန့်နှင့် မြေ ၁၀ ဧကနှင့် အထက်မြေကွက်များ တစ်ဦးတည်းပိုင် (သို့) ပူးတွဲပိုင် (သို့) အစိုးရပိုင်မြေကွက်များပေါ်တွင် ဆောက်လုပ်ရန် အဆိုပြုလွှာများ ခေါ်ယူခြင်းဖြစ်သည်။
EOI အဆိုပြုလွှာများကို မတ်လ ၃ ရက်မှ စတင်ကာ ရန်ကုန်မြို့တော်စည်ပင်သာယာရေးကော်မတီ ဆယ်ထပ်ရုံး၊ အင်ဂျင်နီယာဌာန ၈ လွှာတွင် ရုံးချိန်အတွင်း ဝယ်ယူနိုင်ကြောင်း ထုတ်ပြန်ထားသည်။
ယင်းအဆိုပြုလွှာများကို မတ်လ ၃၁ ရက်နောက်ဆုံးထားကာ တင်သွင်းရမည်ဖြစ်ပြီး ယင်းသတ်မှတ်ရက်ကျော်လွန်မှ တင်ပြလာသည့် အဆိုပြုလွှာများကို လက်ခံမည်မဟုတ်ပေ။
ရန်ကုန်တိုင်းဒေသကြီးအတွင်းတွင် အိမ်ရာလိုအပ်ချက်များပြားလာခြင်းကြောင့် အစိုးရအနေဖြင့် အိမ်ရာစီမံကိန်းများကို အကောင်အထည်ဖော်ဆောင်ရွက်မည်ဖြစ်ပြီး အိမ်ရာလိုအပ်ချက်ကို လျော့ချနိုင်ရန်နှင့် ပြည်တွင်းအိမ်ခြံမြေဈေးကွက် ပိုမိုကောင်းလာစေရန် ကြိုးပမ်းလျက်ရှိကြောင်း ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းက လူထုတွေ့ဆုံပွဲများ၌ ပြောကြားခဲ့သည်။
Ref & Photo Credit : Myanmar Builders Guide
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
