သြဂုတ် ၅ ရက်က ရန်ကုန် မြို့ Summit Park View Hotel တွင် ကျင်းပသည့် ကျူးကျော်နေထိုင်သူ များအတွက် နေရာချထားရေးဆိုင်ရာ အလုပ်ရုံဆွေးနွေးပွဲ၌ ရန်ကုန်တိုင်းရှိ မြို့သစ် ခြောက်မြို့နယ်တွင် ကျူးကျော်များ နေထိုင်ရန်အတွက် တစ်မြို့နယ်လျှင် အိမ်တစ်သောင်းခန့်ဖန်တီးမည်ဟု ရန်ကုန်တိုင်းဝန်ကြီးချုပ်က ပြောထားကြောင်း သိရသည်။
ဝန်ကြီးချုပ်က‘‘စက်ရုံ၊ အလုပ်ရုံ လာရောက်မှု ခုနစ်ရုံခွင့်ပြုလိုက်တယ်။ အလုပ်အကိုင် အခွင့်အလမ်း လေးထောင်ကျော် ဖန်တီးပေးလိုက်တယ်။ အဲဒီကြေညာချက် တွေကို ကော်မတီက ထုတ်ပြန်ပါတယ်။ ဒီလိုထုတ်ပြန်ကြေညာတိုင်း ကျွန်တော့်စိတ်ထဲမှာ ရန်ကုန်ကို နောက်ထပ်လူတွေ ခေါ်နေရတဲ့အခြေအနေဖြစ်ပါတ ယ်’’ဟု ပြောသည်။
ဝန်ကြီးချုပ်က ရန်ကုန်တိုင်းတွင် လူလေးသိန်းခန့်နေစရာအခက်အခဲဖြစ်နေကြောင်း၊၎င်း၏ဝန်ကြီးချုပ် သက်တမ်းတွင် ထိုသူများကို နေစရာရရန် ဦးစားပေးဆောင်ရွက်မည်ဖြစ်ပြီး အစိုးရက မြေဧက ၁,၄၀၀ ခန့်စီစဉ် ထားကြောင်း၊ရန်ကုန်တိုင်းရှိ မြို့သစ်ခြောက်မြို့နယ်ဖြစ်သော ဒဂုံမြို့သစ်လေးမြို့နယ်၊ လှိုင်သာယာနှင့် ရွှေပြည်သာမြို့နယ်တို့တွင် ကျူးကျော်များ နေထိုင်ရန်မြို့နယ်တစ်ခုလျှင် အိမ်တစ်သောင်းခန့် ဖန်တီးမည်ဖြစ်ကြောင်း ပြောထားသည်။
ကျူးကျော်များအတွက် တန်ဖိုးနည်းအိမ်ရာတည်ဆောက်ရန် စီစဉ်သော်လည်း လုပ်ငန်းကြာရှည်ခြင်း ကြောင့် အစိုးရက မြေပေးပြီးကိုယ်တိုင် အိမ်ဆောက်လုပ်ရသည့် စနစ်ကို ဆောင်ရွက်မည်ဖြစ်ကြောင်းလည်း သိရသည်။
Ref & Photo Credit : Myanmar Builders Guide
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
