ဖော်မလင်၊ ကာဗွန်မိုနောက်ဆိုက်၊ အမိုးနီးယားဓာတ်ငွေ့တွေဟာ ကျွန်တော်တို့အိမ်မှာ ရှိတက်တဲ့ အန္တရာယ်ဖြစ်စေတဲ့ အဆိပ်အတောက်တွေပါပဲ။အိမ်ထဲက အဆိပ်အတောက်တွေကို ဖယ်ရှားတဲ့နေရာမှာ အကူအညီပေးနိုင်တဲ့ အရာတွေရှိပါတယ်။ 
 
အိမ်ထဲမှာ စိုက်ထားလို့ရတဲ့အပင်တွေကအိမ်တွင်းက လေထုညစ်ညမ်းမှုတွေနဲ့ ဓာတုပ္စည်းတွေကို (၉၀) ရာခိုင်နှုန်းလောက် စုပ်ယူပစ်နိုင်ပါတယ်။အိမ်ထဲမှာ စိုက်လို့ရတဲ့ အပင်လေးတွေက အိမ်ကို အလှဆင်ပေးသလို ကျွန်တော်တို့ကျန်းမာရေးအတွက်လည်း ထိရောက်မှုရှိပါတယ်။အိမ်အတွင်းထဲမှာ ဘယ်လိုပန်းပင်တွေကို စိုက်ရမလဲဆိုတာ ဆက်ဖတ်ကြည့်ရအောင်…။
 
စံပယ်ပင်
 
စံပယ်ပင်က စိတ်ဖိစီးမှုကို ပြေလျော့စေပြီး စိတ်မတည်မငြိမ်ဖြစ်တာကို ကုသပေးသလို အိပ်စက်ချိန်ကိုလည်းကောင်းမွန်လာစေတဲ့အတွက် ကျွန်တော်တို့ရဲ့ စိတ်ပိုင်းဆိုင်ရာကျန်းမာရေးကို ထိရောက်မှုရှိစေပါတယ်။
 

 
နဂါးစက်ဂမုန်းပင်
 
နဂါးစက်ပင်က အိမ်ထဲမှာ စိုက်ထားသင့်တဲ့ အပင်တစ်မျိုးဖြစ်ပါတယ်။ ဒီအပင်ကို လေသန့်ပင်လို့လည်း ခေါ်ကြပါတယ်။အိမ်အတွင်းမှာရှိတဲ့ အဆိပ်အတောက်ဖြစ်စေတဲ့အခိုးအငွေ့တွေကို နဂါးစက်ပင်က ဖယ်ရှားပေးနိုင်ပါတယ်။လေကို ကောင်းကောင်းသန့်စင်စေချင်ရင်တော့ တစ်ပင်ထက်ပိုပြီး စိုက်ပေးသင့်ပါတယ်။ နဂါးစက်ပင်က နေရောင်ခြည်တိုက်ရိုက်ထိတာကို မကြိုက်နှစ်သက်ပါဘူး။
 
English Ivy
 
ဒီအပင်က ၉၀ ရာခိုင်နှုန်းလောက် လေသန့်စင်ပေးပြီး ပန်းနာရင်ကျပ်ရှိသူတွေကို ညဘက်ကောင်းကောင်း အိပ်စက်နိုင်အောင်၊အသက်ရှုလို့ရအောင် ကူညီပေးနိုင်ပါတယ်။ ဒီနွယ်ပင်က အဆိပ်သင့်စေနိုင်တဲ့အတွက် တိရစ္ဆာန်တွေနဲ့ ကလေးငယ်လေးတွေမစားမိအောင် ဂရုစိုက်သင့်ပါတယ်။
 
ရှင်သီဝလိဂမုန်း
 
ရှင်သီဝလိဂမုန်းပင်က နွေရာသီမှာဆိုရင် အဖြူရောင်ပန်းပွင့်လေးတွေပွင့်တဲ့အတွက် အိမ်မှာစိုက်ထားလို့ ကောင်းတဲ့အပင်ပါပဲ။ရှင်သီဝလီဂမုန်းရဲ့ကောင်းကျိုးက ဒီတစ်ခုတည်းမဟုတ်ပါဘူး။ဒီအပင်က လေထုညစ်ညမ်းမှုကိုဖယ်ရှားတာ၊ အဆိပ်အတောက်ဖြစ်စေတဲ့ဓာတ်တွေကို စုပ်ယူပေးတာတွေလုပ်ဆောင်ပြီးအိမ်တွင်းလေသန့်စက်အဖြစ် စွမ်းဆောင်နိုင်ပါတယ်။ ဝတ်မှုန်တွေကို ထုတ်လွှတ်ပေးပြီး ပန်းရနံ့လေးသင်းနေမှာပါ။(ဝတ်မှုန်နဲ့ ဓာတ်မတည့်တဲ့သူတွေကတော့ သတိထားသင့်ပါတယ်)
 

 
ရာဘာပင် (Rubber Plant)
 
ရာဘာအပင်တွေကို ဂရုစိုက်ပေးရတာ အရမ်းမခက်ခဲပေးမဲ့လည်း အပင်ကြီးတွေဖြစ်လာတတ်ပါတယ်။ ရာဘာအရွက်ကြီးတွေကလေထဲက မကောင်းတဲ့အရာတွေကို စုပ်ယူပေးပါတယ်။ ဒါကြောင့် ရာဘာအရွက်တွေက ဖုန်မှုန့်တွေကို ဖယ်ရှားပေးဖို့တော့ မမေ့သင့်ပါဘူးနော်။
 
တိုက်ကပ်နွယ်ပင် (Golden Pothos)
 
တိုက်ကပ်နွယ်ပင်က လေထဲက အဆိပ်အတောက်တွေကို ဖယ်ရှားတဲ့နေရာမှာ ထိရောက်မှုရှိပါတယ်။အိမ်ထဲမှာ စိုက်ရတာလည်းလွယ်ကူသလို နေရောင်ခြည်နည်းနည်းပဲလိုပြီး အေးတဲ့အပူချိန်မှာ ရှင်သန်နိုင်ပါတယ်။
 
လေ့လာမှတ်သားစရာ အိမ်ခြံမြေဆောင်းပါးများ
 
ရေခဲသေတ္တာထဲထည့်ပြီး မစားသင့်တဲ့အစားအစာများ 

အဲကွန်းသုံးတဲ့ အိမ်တိုင်း ၊ဆိုင်တိုင်း သတိထားရမည့် ကောင်းကျိုး ဆိုးကျိုးများ 

သိသူဖော်စားမသိသူကျော်သွားအိမ်သုံးဆားရဲ့အသုံးဝင်ပုံများ 

အိမ်တွင်းအပင်လေးတွေရဲ့ ကောင်းကျိုးများ
 
Credit : Mdynews
Posted By : Sint Sint (ShweProperty.com)