ရန်ကုန်တိုင်း လှည်းကူးမြို့နယ်မှာ ရှိတဲ့ မြေဧကငါးရာကျော်ပေါ်မှာ KMIC Industrial Complex စီမံကိန်း ဆောင်ရွက်ဖို့ မြန်မာနဲ့ ကိုရီးယားနိုင်ငံတို့အကြား သဘောတူစာချုပ်လက်မှတ်ရေးထိုးလိုက်ပါတယ်။
ဒီစက်မှုဇုန်ကနေ အလုပ်အကိုင်အခွင့်အလမ်းများ ဖန်တီးပေးနိုင်မှာ ဖြစ်တဲ့အတွက် ရန်ကုန်တိုင်းဒေသကြီးနဲ့ မြန်မာနိုင်ငံရဲ့ စက်မှုကဏ္ဍ တွေမှာ အထောက်အပံ့ဖြစ်မှာဖြစ်တယ်လို့ ဆိုပါတယ်။ ဒါ့အပြင် နိုင်ငံခြားပို့ကုန်ကဏ္ဍ ၊ လူ့စွမ်းအား အရင်းအမြစ်ကဏ္ဍ မြှင့်တင်ပေးနိုင်ပြီး လူမှု့စီးပွားဖွံဖြိုးရေးအတွက်ပါ အထောက်အပံ့ဖြစ်စေနိုင်မယ်လို့ ယုံကြည်မျှော်လင့်ကြောင်း ဆောက်လုပ်ရေးဝန်ကြီးဌာန ၊ ပြည်ထောင်စုဝန်ကြီး ဦးဟန်ဇော်ကပြောပါတယ်။
မြန်မာနိုင်ငံအနေနဲ့လည်း စက်မှုဇုန် အောင်မြင်ရေးအတွက် ဇုန်ပြင်ပ အခြေခံအဆောက်အအုံတွေအတွက် နှစ်နိုင်ငံအစိုးရတွေက သဘောတူခွင့်ပြုပြီးဖြစ်တဲ့ ကိုရီးယား EDCF ချေးငွေနဲ့ တည်ဆောက်ပြီးလိုအပ်တာတွေကို ပံ့ပိုးဆောင်ရွက်ပေးသွားမှာ ဖြစ်တယ်လို့ ဆိုပါတယ်။
လက်ရှိမှာ ကိုရီးယားနိုင်ငံအစိုးရဟာ မြန်မာနိုင်ငံဖွံ့ဖြိုးတိုးတက်ရေးအတွက် ဒလ ချစ်ကြည်ရေးတံတားတည်ဆောက်ရေး ၊ KMIC စက်မှုဇုန်ထူထောင်ရေးအတွက်သာမက အခြားသောကဏ္ဍစုံမှာလည်း ကူညီမှုတွေပေးနေတာပါ။ ဒီစက်မှုဇုန်ကိုပြုလုပ်ဖို့ ရန်ကုန်တိုင်းလွှတ်တော်မှာ ဇူလိုင် ၁၂ ရက်က တင်ပြခဲ့ပြီး ကန့်ကွက်သူမရှိ အတည်ပြုခဲ့တာပါ။
ဒါ့အပြင် မေလ ဒုတိယပတ်က ပြုလုပ်ခဲ့တဲ့ ရန်ကုန်ရင်းနှီးမြှုပ်နှံမှု ဖိုရမ် ၂၀၁၉ မှာလည်း စိတ်ဝင်စားမှုအဆိုပြုလွှာ လက်မှတ်ရေးထိုးခဲ့ပါသေးတယ်။
Ref & Photo Credit : Myanmar Builders Guide
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
