မြန်မာနိုင်ငံအတွင်းရှိ ရောင်းရန်နှင့် ငှားရန်ရှိသော အိမ်ခြံမြေများ

Property Titles

ပေ ၂၀ မြေကို ဂရန်ပေါက်အောင် ဘယ်လိုလုပ်ရမလဲ

By Ra Wai, Shweproperty.com

Updated at 14 December 2021

ကျွန်မတို့က ရပ်ကွက်ထဲက ဂရန်ရထားတဲ့ ပေ (၄၀*၆၀) မြေကွက်မှာ ပေ ၂၀ ကို လွန်ခဲ့တဲ့(၂) နှစ်လောက်ကတည်းက ဝယ်ပြီး နေထိုင်တာပါ ဂရန်ကိုတော့ မူလ ပိုင်ရှင်ကယူထားပါတယ် ဝယ်ထားတဲ့ ကိုယ့်မြေကို ဂရန်အမည်ပေါက်အောင် ဘယ်လိုဆက်လုပ်ရမလဲဆိုတာကို သိလိုပါတယ်။

မြေဆိုတဲ့ မရွှေ့မပြောင်းနိုင်တဲ့ ပစွည်းကို အရောင်းအဝယ်ပြုလုပ်တဲ့အခါမှာစာချုပ်စာတမ်း မှတ်ပုံတင်ရုံးမှာ မှတ်ပုံတင်ပြီး ဝယ်ယူရပါတယ်။ မှတ်ပုံတင်ထားတဲ့စာချုပ်ရှိထားရင်တော့ သက်ဆိုင်တဲ့ ဂရန်ထုတ်ပေးတဲ့ ဌာန မှာဆောင်ရွက်လို့ရပါတယ် အကယ်၍များ အရပ်စာချုပ်ဖြင့်ဝယ်ယူထားတယ်ဆိုရင်တော့ ဒီစာချုပ်ကို မှတ်ပုံတင်စာချုပ် ဖြစ်ဖို့ ပြန်လည်ချုပ်ဆိုရပါမယ်။

ဝယ်ထားတာကလည်း လွန်ခဲ့တဲ့ (၂ )နှစ်လောက် ကတည်းကဖြစ်တဲ့အတွက် စာချုပ်စာတမ်း ဥပဒေ မှာတော့ စာချုပ် ချုပ်ဆိုပြီး ရက်ပေါင်း (၁၂၀) အတွင်း မှတ်ပုံတင်ဖို့ လျှောက်ထားရပါတယ်။

အခုဟာက (၂ )နှစ်လောက်ရှိနေပြီဆိူတော့ မှတ်ပုံတင်စာချုပ် ချုပ်ပေးဖို့ လျှောက်ထားတဲ့အခါမှာစာချုပ်စာတမ်းရုံးက ငြင်းပယ်တာတို့ ၊ ဒဏ်ကြေးတိူ့ သတ်မှတ်မှာပါ။

အကယ်၍ ကိုယ့်ကိုရောင်းသူ သက်ရှိထင်ရှားရှိနေသေးတယ်ဆိုရင် ရောင်းသူကိုပြန်လည်ခေါ်ယူပြီး မှတ်ပုံတင်စာချုပ် ချုပ်ဆိုခိုင်းရပါမယ် မှတ်ပုံတင်စာချုပ်ရှိလာတဲ့အခါကျမှသာ စည်ပင်သာယာရေးကော်မတီကို မှတ်ပုံတင်စာချုပ်နဲ့ ပူးတွဲပြီး ဦးပိုင် ခွဲစိတ်ပေးဖို့နဲ့ ဂရန်ကို ခွဲစိတ်ထုတ်ပေးဖို့ လျှောက်ထားရပါမယ်။

ဌာန ရဲ့လုပ်ထုံး လုပ်နည်း များအရ လုပ်ပေးပိုင်ခွင့်ရှိသလို လျှောက်ထားသူအနေနဲ့လည်း ရပိုင်ခွင့်ရှိပါတယ်။
ဌာနရဲ့ လုပ်ထုံးလုပ်နည်းအရတော့ ပေ (၂၀.)/ စတုရန်းပေ ၁၂၀၀ ထက်လျော့နည်းရင်တော့လုပ်ပေးပိုင်ခွင့်မရှိပါဘူး။ အခုဟာက ပေ ၂၀ ကွက်တိရှိနေတာဖြစ်တဲ့အတွက် လုပ်ထုံးလုပ်နည်းများနှင့်အညီဆက်လက်ဆောင်ရွက်သွားမယ်ဆိုရင်တော့ ကိုယ့်အမည်ပေါက်ဖြစ်ဖို့ရာ လွယ်ကူပါလိမ့်မယ်။

ဖတ်ရှမှုအများအဆုံး အိမ်ခြံမြေဗဟုသုတများ

Credit By: Myanmar Builders Guide
Posted By : Ra Wai, ShweProperty.com