ရန်ကုန်တိုင်းဒေသကြီး ဒဂုံမြို့သစ်(မြောက်ပိုင်း)မြို့ နယ် (၄၈)ရပ်ကွက်ရှိ ဗိုလ်ဗထူးအိမ်ရာမှ တန်ဖိုးနည်းအိမ်ရာအတွက် လျှောက်လွှာများကို မေ၂ ရက်မှ စတင်ရောင်းချနေပြီဖြစ်ကြောင်း သိရသည်။ အဆိုပါလျှောက်လွှာများကို မေ ၂ ရက်မှ ဇွန် ၂ ရက်အထိ ရောင်းချပေးမည်ဖြစ်ပြီး ရန်ကုန်စည်ပင်၊ အင်ဂျင်နီယာဌာန (အ ဆောက်အအုံ)တွင် လျှောက်လွှာတစ် စောင်လျှင် ကျပ်တစ်ထောင်ဖြင့် ရောင်းချနေခြင်းဖြစ်ကြောင်း ယင်းဌာနမှတာဝန်ရှိသူတစ်ဦးက ဒီမိုက ရေစီတူဒေးသို့ပြောသည်။
''စတင်ရောင်းချပေးနေပါပြီ။လျှောက်လွှာတွေကတော့ လာဝယ် နေကြတာပဲ''ဟု ၎င်းကပြောသည်။ အဆိုပါတန်ဖိုးသင့်အိမ်ရာများအား ရောင်းချရာတွင် U-900 အမျိုးအ စားတွင် ၉၂၇ စတုရန်းပေရှိ တိုက် ခန်း ၅၇ဝ ပါဝင်ပြီး တစ်ခန်းလျှင် ကျပ် ၃၇၇ သိန်းဖြစ်ကြောင်း၊ ၈၇၇ စတုရန်းပေရှိ တိုက်ခန်း ၃၈ ခန်းကို တစ်ခန်းလျှင်ကျပ် ၃၅၉ သိန်းဖြင့်ရောင်းချပေးမည်ဖြစ်ကြောင်း သိရ သည်။ ယင်းအပြင် U- ၆၀၀ အမျိုးအစား ၅၆၅ စတုရန်းပေတိုက်ခန်း ၁၆ ခန်းကို တစ်ခန်းလျှင် ကျပ် ၂၆၇ သိန်းဖြင့် ရောင်းချပေးမည်ဖြစ်ပြီး ၆၁၄ စတုရန်းပေရှိ တိုက်ခန်း ၂၄ဝ ခန်းကို တစ်ခန်းလျှင် ကျပ် ၂၈၅ သိန်းဖြင့် ရောင်းချပေးမည်ဖြစ်ကြောင်း သိရသည်။
ယင်းတိုက်ခန်းများအားရောင်းချရာတွင် အရစ်ကျဝယ်ယူမှုနှင့်ဘဏ်ချေးငွေဖြင့် ဝယ်ယူမှုစနစ်နှစ်မျိုးဖြင့် ရောင်းချပေးမည် ဖြစ်ပြီး လျှောက်လွှာများကိုစိစစ်၍ ဆက်လက် ဆောင်ရွက်မှုကို ရန်ကုန်တိုင်းဒေသကြီးအစိုးရအဖွဲ့ကသာ ဆောင်ရွက်သွားမည်ဖြစ်ကြောင်းသိရသည်။ တိုက်ခန်းဝယ်ယူခွင့်ရရှိသူများ အနေဖြင့် သတ်မှတ်ကာလအတွင်း ငွေပေးသွင်းမှုမရှိသည့်အခန်းများအား အရန်စာရင်းကြီးစဉ်အရ ရောင်းချပေးသွားမည်ဖြစ်ကြောင်းသိရသည်။ ယင်းတိုက်ခန်းများကို ၂ဝ၁၅ ခု နှစ်ဒီဇင်ဘာလမှစတင်ကာ သုံးနှစ်ကြာ ဆောက်လုပ်နေခြင်းဖြစ်ပြီး လေးခန်းတွဲရှစ် ထပ်တိုက် ၂၇ လုံး၊ အခန်းပေါင်း ၈၆၄ ခန်းပါဝင်ကြောင်း သိရသည်။
Ref & Photo Credit : Yangon Media Group
Posted By : Myat Minn (Shweproperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
