ဂျပန်နိုင်ငံမှ လှူဒါန်းပြီး ဆောက်လုပ်ရေးဝန်ကြီးဌာန၊ UN Habitat နှင့် ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ (JICA) တို့ ပူးပေါင်းဆောက်လုပ်သော ကျူးကျော်အိမ်ထောင်စုများအတွက် အိမ်ရာလွှဲပြောင်းပေးအပ်ပွဲအခမ်းအနားကို နိုဝင်ဘာ ၁၆ ရက် က တောင်ဒဂုံမြို့နယ်ရှိ အဆိုပါရိုးမအိမ်ရာတွင် ကျင်းပခဲ့သည်။
ကျူးကျော်အိမ်ထောင်စုပေါင်း ၆၀ အတွက် လေးခန်းတွဲငါးထပ်အဆောက်အအုံ သုံးလုံးကို လှူဒါန်းလွဲှ ပြောင်းပေးခဲ့ခြင်းဖြစ်ပြီး အိမ်ရာဝင်းအတွင်း ကိုယ်ပိုင်ထရန်စဖော်မာ၊ အဝီစိတွင်းနှင့် ဂါလန် ၁၂၅၀၀ ဆံ့ရေကန်၊ စုပေါင်းခန်းမအဆောက်အအုံတစ်လုံးနှင့် ကလေးကစားကွင်းတို့လည်း ပါဝင်ကြောင်း သိရသည်။ “အခြေခံပြည်သူတွေအတွက် လိုအပ်နေတဲ့ အိမ်ရာစီမံကိန်းကို ပြီးခဲ့တဲ့ ၂၀၁၇ ဇူလိုင် ၁ ရက်မှာ ဒဂုံဆိပ်ကမ်းရိုး မအိမ်ရာအနီးမှာ အခန်းယူနစ် ၂၀ ပါတဲ့ အဆောက်အအုံခြောက်လုံး၊ ယူနစ် ၁၂၀ ကို နေရာချထားပြီး ဆောင်ရွက်ပေးခဲ့ ပြီးဖြစ်ပါတယ်။
အခုအပိုင်း-၂ အနေနဲ့ အခန်း ၂၀ စီပါတဲ့အဆောက်အအုံသုံးလုံး ကို အခြေခံပြည်သူတွေအတွက် နေရာချ ထားပြီး ဆောင်ရွက်တဲ့ပွဲဖြစ်ပါတယ်” ဟု မြို့ပြနှင့်အိမ်ရာဖွံ့ဖြိုး ရေးဦးစီးဌာနညွှန်ကြားရေးမှူးချုပ် ဦးမင်းထိန်ကပြောသည်။
ယခုစီမံကိန်းသည် ဂျပန်အစိုးရက ထောက်ပံ့ကူညီသည့်ဒေါ်လာနှစ်သန်းဖြင့် တည်ဆောက်ခြင်းဖြစ်ပြီး ကျူး ကျော်အိမ်ထောင်စုများထဲမှ အခန်းရရှိမည့်သူများကို Women for the world အဖွဲ့အစည်းနှင့် UN Habitat တို့ ကရွေးချယ်ပေးအပ်ခဲ့ခြင်းဖြစ်ကြောင်း၊ အငှားအိမ်ရာဖြစ်သောကြောင့် နေထိုင်သူများအနေဖြင့် အိမ်ရာစီမံခန့်ခွဲ ရေးကော်မတီအား တစ်လလျှင် ကျပ်တစ်သောင်းသာပေးသွင်းရမည်ဖြစ်ကြောင်း သိရသည်။
Ref & Photo Credit : Pyi Myanmar
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
