အိမ်ခြံမြေဝန်ဆောင်မှု အတည်ပြုထားတဲ့ ဥပဒေကြမ်းပေါ်ထွက်လာရင် အသက် ၁၈ နှစ်ပြည့်ပြီးတဲ့ အိမ်ခြံမြေအကျိုးဆောင်တိုင်း တစ်နှစ်အတွင်း ယာယီလိုင်စင်လျှောက်ထားနိုင်မှာဖြစ်တယ်လို့ မြန်မာနိုင် အိမ်ခြံမြေလုပ်ငန်း ဖွံ့ဖြိုးတိုးတက်ရေးအသင်း (MRPDA) မှသိရပါတယ်။
ဥပဒေကြမ်းမှာတော့ တစ်နှစ်အတွင်း မှတ်ပုံတင်ရမယ်၊ ယာယီလိုင်စင် သုးံနှစ်ပေးမယ်၊ အဲ့ဒီသုးံနှစ်အတွင်းမှာတော့သင်တန်းတက်ရမယ် ပြီးရင်တော့လိုင်စင်ပြောင်းလျောက်နိုင်မှာပါ။ ဥပဒေကြမ်းမှာပါတာတော့ လိုင်စင်မရှိဘဲ အကျိုးဆောင်လုပ်ရင် ကျပ်သိန်း ၃၀ နဲ့ ထောင်ဒဏ် ၆ လကျခံရမှာဖြစ်တယ်၊ ဒါကဥပပေကြမ်းဆိုတော့ အတိအကျတော့မမှန်သေးဘူးလို့ မြန်မာနိုင်ငံ အိမ်ခြံမြေလုပ်ငန်း ဖွံ့ဖြိုးတိုးတက်ရေးအသင်း (MRPDA) ရဲ့ဥက္ကဌ ဦးတင်မောင်ကပြောကြားခဲ့ပါတယ်။ ဒီအကြောင်းအရာကိုတော့ စက်တင်ဘာလ ၇ရက်နေ့က Royal Garden Restaurant မှာကျင်းပတဲ့ ၂၀၁၇-၂၀၁၈ ပညာသင်နှစ်ဆုပေးပွဲအခမ်းအနားမှာ ပြောကြားခဲ့တာဘဲဖြစ်ပါတယ်။
လွှတ်တော်ဥပဒေကြမ်း ပူးပေါင်းကော်မတီကနေ ဒါကိုအချောသပ်ပြီး တင်လိုက်တဲ့အချိန်ကျမှ လွှတ်တော်ကမဲခွဲဆုးံဖြတ်ပြီး အတည်ပြုမှာဖြစ်ပါတယ်။ ဥပဒေဆိုတာ နိုင်ငံတော်၊ နိုင်ငံသား၊ အကျိုးဆောင်တွေအားလုးံ ခြုံလွှမ်းစေဖို့၊ ကိုယ်စားပြုနိုင်ဖို့၊ မျှတမှုရှိစေဖို့အတွက်သာဖြစ်တယ်။ အသင်းဝင်တွေ၊ အိမ်ခြံမြေလောကသားတွေ၊ အများပြည်သူတွေ စိုးရိမ်ပူပန်မှုမရှိဖို့လိုတယ်လို့ ၎င်းက ထပ်လောင်းပြောကြားခဲ့တာဘဲဖြစ်ပါတယ်။
Written By : နွယ် (ShweProperty.com)
Photo Credit : Firsttuesday
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
