မြေလွတ်၊ မြေလပ်နှင့် မြေရိုင်း များလုပ်ပိုင်ခွင့် နှင့် အသုံးပြုခွင့်ပေးခြင်းဆိုင်ရာ လုပ်ထုံးလုပ်နည်းများနှင့် အညီ ယခင်ဗဟိုအဖွဲ့က လုပ်ကိုင်ခွင့် ကို ခွင့် ပြုချထားပေးခဲ့သော မြေလွတ် မြေရိုင်းများကို သတ်မှတ်ထားသည့် ကာလအတွင်း စည်းကမ်းချက်နှင့် အညီ အမှန်တကယ် စိုက်ပျိုးလုပ်ကိုင်ခြင်း မရှိခဲ့ပါက ပြန်လည်သိမ်း ယူပြီး အမှန်တကယ်စိုက်ပျိုး လုပ်ကိုင်မည့် သူများသို့ အသုံးပြုခွင့် ပေးသွားမည်ဖြစ်ကြောင်း ပထမအကြိမ်၊ ပြည်သူ့လွှတ်တော် ဒုတိယပုံမှန် အစည်းအေဝေး ၂၃ ရက် မြောက်နေ့ တွင် လယ်ယာစိုက်ပျိုးရေးနှင့် ဆည် မြောင်းဝန်ကြီးဌာန ဒုတိယဝန်ကြီး ဦးအုန်းသန်းက ပြောကြားခဲ့ကြောင်း သတင်းရရှိသည်။
“လယ်ဆည်ဝန်ကြီးက ပြောထားတာရှိတယ်။ အရင်တုန်းက မြေလွတ်၊ မြေရိုင်း၊
မြေလပ်တွေကို စီမံ ခန့် ခွဲတဲ့အဖွဲ့ရှိတယ်။ အဲဒီအဖွဲ့ကို ပြန်ပြီး
ပြင်ဆင်ဖွဲ့စည်းထားဖို့လို့ ပြောတယ်။ ဥပဒေကိုလည်း ပြန်ပြင်နေတယ်လို့
ပြောထားတာရှိတယ်။ ပြီးတော့ အဲဒီ ဥပဒေအတိုင်းလည်း ဆောင်ရွက်သွားမယ်လို့
ပြောတယ်။ အရင်တုန်းက မြေလွတ်မြေရိုင်း၊ မြေလပ်တွေကိုချပေးခဲ့တယ်။ ဒါပေမယ့်
ကန့် သတ်ချက်တွေနဲ့ ချပေးခဲ့တာပါ။ လျှောက်တဲ့သူက သူ့ဘာသာသူ ဧက တစ်သောင်းပဲ
လျှောက်လျှောက်၊ တစ်ထောင်ပဲ လျှောက်လျှောက် ခွင့် ပြုချက်ရဲ့နောက်ဖက်မှာ
လေးနှစ်အတွင်း ဖော်ထုတ်စိုက်ပျိုးပါ့မယ်လို့ ကတိကဝတ်ပြုထားတယ်။ လေး
နှစ်အတွင်း ပျက်ကွက်ခဲ့ရင် ဒါကို ပြန်သိမ်းခံရမယ်ဆိုပြီး ဝန်ခံကတိ
ပေးထားခဲ့ရတာရှိတယ်။ အဲဒီတုန်း က အဖွဲ့အစည်း တော်တော်များများ
တစ်နိုင်ငံလုံးမှာ ယူထားတဲ့နေရာတွေက အများကြီးပါ” ဟု မြန်မာ့စိုက်ပျိုးရေး
လုပ်ငန်းမှ အငြိမ်းစားအရာရှိတစ်ဦး က ပြောပြခဲ့သည်။
ယင်းကဲ့သို့ ကုမ္ပဏီအဖွဲ့အစည်း များမှ တစ်နိုင်ငံလုံးရှိ
မြေလွတ်မြေရိုင်းဧက အတော်များများ ယူထားခြင်းဖြစ်ပြီး လတ်တလော အခြေအနေအထိ
ဖော်ထုတ်စိုက်ပျိုး နိုင်မှုကိုလေ့လာပါက ၁၀ ရာခိုင်နှုန်း ခန့်
သာရှိသေးကြောင်း သိရသည်။
“တကယ်တော့ မြေလွတ် မြေရိုင်းတွေကို ယူထားတဲ့သူတွေက တကယ်စိုက်ပျိုးခြင်းရှိ၊
မရှိဆိုတာကို စိစစ်သင့်တယ်။ မလုပ်နိုင်လို့ရှိရင်လည်း
မလုပ်နိုင်တဲ့နေရာတွေကို ပြန်စိစစ်ပြီး လုပ်နိုင်တဲ့သူတွေကို
ခွဲဝေပေးလိုက်တာ ကောင်းတယ်။ ဟိုတုန်းကတော့ မြန်မာနိုင်ငံမှာ
မြေလွတ်မြေရိုင်းတွေ သိပ်များလို့ ဒါကို မြန်မြန်လုပ်နိုင်အောင် အဖွဲ့
အစည်းတွေ၊ ကုမ္ပဏီတွေကို ချထားပေးခဲ့တာပါ။ တကယ်တမ်းမှာ
ယူထားပြီးပြန်ပြီးတော့ အသုံးမပြုကြတာ တွေရှိတယ်။ တကယ်တော့ ရေရှည်အတွက်
စဉ်းစားမယ်ဆိုရင် အသေးစား စိုက်ပျိုးထုတ်လုပ်သူတွေ အတွက်ကို
ဘယ်လိုလုပ်ပေးနိုင်မယ် ဆိုတဲ့ အစီအမံလေးတွေကို လုပ်ပေးဖို့လည်း လိုအပ်တယ်။
အထူးသဖြင့် small holder scheme တွေ ချပေးသင့်ပါတယ်။ ဥပမာ
ရော်ဘာဆိုရင်လည်း မိသားစုအလိုက်လုပ်ကွက် ကလေးတွေ ၁၀ ဧကပဲ တတ်နိုင်
တတ်နိုင်၊ ၁၅ ဧကပဲ တတ်နိုင်တတ်နိုင် ပြန်ချပေးသင့် တယ်။ ဥပမာ ဧက
တစ်သောင်းလောက် ဖော်တယ် ဆိုရင် အသေးစားလုပ်ကွက် ဘယ်နှကွက်လောက်
ထွက်လာမလဲပြန်စိစစ် ပြီးလုပ်နိုင်တဲ့သူတွေကို ပေးလိုက် တော့
အလုပ်အကိုင်လေးတွေလည်း ရသွားမှာပါ” ဟု ၎င်းကပင် ဆက်လက်သုံးသပ်ပြခဲ့သည်။
ယင်းကဲ့သို့ မြေလွတ်၊ မြေရိုင်းများ ရယူထားမှုတွင် ရော်ဘာစိုက်ပျိုးရန်၊
ဆီအုန်းစိုက်ပျိုးရန် ယူထားခြင်း
မျိုးနည်းပြီး အခြားသီးနှံများ
စိုက်ပျိုးရန်ဆိုပြီး ယူထားသည့် မြေလွတ်မြေရိုင်းဧကများစွာ ရှိနေသေးကြောင်း
သိရှိရသည်။ ယင်းကဲ့သို့ မြေလွတ် မြေရိုင်းများအား ပြန်လည်ရယူရာ တွင်
နိုင်ငံတော်နှင့် ပုဂ္ဂလိကကုမ္ပဏီ ပူးပေါင်း၍သော် လည်းကောင်း
အသေးစားလုပ်ငန်းလေးများ အဖြစ် ပြန်လည်ချထားပေးခြင်းဖြင့် တကယ် လိုအပ်နေသော
စိုက်ပျိုးထုတ်လုပ်သူများအတွက် အကျိုးရှိစေမည်ဖြစ်ကြောင်းလည်း
သုံးသပ်ကြသည်။
“အစိုးရနဲ့ ပုဂ္ဂလိကပေါင်းပြီး အသေးစား လုပ်ကွက်လေးတွေချပေး တာ၊
ငွေထုတ်ချေးပေးတာ၊ ပြီးရင် ထွက်လာတဲ့ထုတ်ကုန်ကို ပြန်လည်
ဝယ်ယူပေးတာမျိုးဆိုရင် ပိုပြီး အဆင်ပြေနိုင်ပါတယ်။ ကောင်းတာ ကတော့
ဥပဒေနဲ့မညီရင် ပြန်သိမ်း သင့် ပါတယ်။ ယူထားပြီး ဘာမှပြန်ပြီးတော့
စိုက်ပျိုးထုတ်လုပ်မှုမရှိဘူး ဆိုရင်တော့ တကယ် လုပ်ချင်တဲ့သူတွေအတွက်
နစ်နာပါတယ်”ဟု လယ်ယာစိုက်ပျိုးရေး လုပ်ငန်းလုပ်ကိုင်နေသော
လုပ်ငန်းရှင်တစ်ဦးက ပြောပြခဲ့သည်။
source : Eleven Media
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
