စပိန်နိုင်ငံရှိ ကျေးရွာတစ်ရွာသည် လင်မယား နှစ်ဦးတည်းသာ နေထိုင်ခဲ့သောကြောင့် စိတ်ဝင်စားစရာ ဖြစ်ခဲ့သည်။ တစ်ချိန်က အဆိုပါရွာသည် လူပေါင်း (၂၀၀) ခန့် နေထိုင်ခဲ့သော်လည်း ပြည်တွင်းစစ် ဖြစ်ပွားပြီးနောက် စီးပွားရေး အဆင်မပြေမှုများ ကြုံခဲ့ရပြီး ရွာသားများသည် မြို့ပေါ်သို့သွား ရောက်ကာ အလုပ်အကိုင်များ ရှာဖွေခဲ့ခြင်းကြောင့် နောက်ဆုံး လင်မယား နှစ်ဦးတည်းသာ ကျန်ရှိတော့သည်။
ယင်းရွာတွင် လင်မယားနှစ်ဦးတည်း နေထိုင်သည်မှာ (၄၅) နှစ် ရှိသွား ခဲ့ပြီ ဖြစ်သောကြောင့် အံ့အားသင့်စရာ ဖြစ်ခဲ့သည်။ အသက် (၇၉)နှစ် အရွယ် အဘိုးအို ဂျူအန်မာတင်နှင့် အသက် (၈၂) နှစ် အရွယ် ဆင်ဖိုရိုဆာ နှစ်ဦးတည်းသာ နေထိုင် နေခြင်း ဖြစ်သည်။ ယင်းရွာသည် ဗလန်စီယာမြို့နှင့် မိုင်(၁၀၀) ကျော်လောက်တွင် ရှိသည်။ သို့သော် ရွာသားများသည် စွန့်ခွာ သွားခဲ့ခြင်းကြောင့် ရွာပျက်ကြီးလို ဖြစ်သွားခဲ့သည်။ ယင်းရွာတွင် လျှပ်စစ်မီး မရှိသောကြောင့် အသက်ကြီးနေပြီ ဖြစ်သည့် လင်မယား နှစ်ဦးသည် တိရစ္ဆာန်များကို မွေးမြူပြီး အဖော်ပြု နေကြသည်။ အစားအသာက် အတွက် လည်း ကိုယ်တိုင် ချက်ပြုတ် နေရဆဲ ဖြစ်သည်။ ယခင်က သူတို့တွင် သမီး တစ်ဦး ရှိခဲ့သော်လည်း သေဆုံး သွားခဲ့ခြင်းကြောင့် အထီးကျန်စွာ နေထိုင် နေရခြင်း ဖြစ်သည်။ ရွာ တစ်ရွာလုံး နှစ်ယောက်တည်းသာ ရှိသည့် အပြင် (၄၅)နှစ် စလုံး အထီးကျန်စွာ နေခဲ့သော လင်မယား အကြောင်း ရုပ်သံဌာန တစ်ခုက မှတ်တမ်း ရုပ်ရှင် ရိုက်ကူး ခဲ့သည်။
ဂျူအန်မာတင်က မိမိ အနေဖြင့် ပြီးခဲ့သည့် နှစ်နှစ်က ရွာမှ ထွက်ခွာရန် စဉ်းစား ခဲ့ကြောင်း၊ သို့သော် မိမိ၏ ဇနီးဖြစ်သူက ယခု နေထိုင်သည့် ရွာတွင်သာ ခေါင်းချမည် ဖြစ်သောကြောင့် မိမိ၏ ဆုံးဖြတ်ချက်ကို ပြင်ခဲ့ကြောင်း၊ မိမိ အနေဖြင့် ဇနီးဖြစ်သူနှင့် သက်ဆုံးတိုင် နေထိုင် သွားမည် ဖြစ်ကြောင်း ဟြေကြား ခဲ့သည်။ အဆိုပါ လင်မယား နှစ်ဦး၏ နေ့လယ်စာ စားပုံကို ရိုက်ကူးမှု ပြုလုပ်ရာတွင် တစ်ဦးနှင့် တစ်ဦး ကြင်နာမှု အပြည့် ရှိနေသည်ကို မြင်တွေ့ ခဲ့ရကြောင်း ဆိုထားသည်။
Ref : Messenger
Photo Credit : Messenger
Posted By : Myat Minn
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
