မြန်မာနိုင်ငံအတွင်းရှိ ရောင်းရန်နှင့် ငှားရန်ရှိသော အိမ်ခြံမြေများ

Property Titles

ရှာဖွေရန်နှိပ်ပါ

Property Titles

ကားပွဲစားတန်း ပြောင်းမည်ဆို၍ ပုလဲမြို့သစ်တစ်ဝိုက် မြေဈေးများ အချိန်တိုအတွင်း နှစ်ဆနီးပါးထိုးတက်

By mizzima, Shweproperty.com

Updated at 9 July 2013

ကားပွဲစားတန်း ပြောင်းမည်ဆို၍ ပုလဲမြို့သစ်တစ်ဝိုက် မြေဈေးများ အချိန်တိုအတွင်း နှစ်ဆနီးပါးထိုးတက်

ကားပွဲစားတန်း ပြောင်းမည်ဆို၍ ပုလဲမြို့သစ်တစ်ဝိုက် မြေဈေးများ အချိန်တိုအတွင်း နှစ်ဆနီးပါးထိုးတက်

By mizzima, Shweproperty.com

Updated at 9 July 2013

ရန်ကုန်မြို့၊ လမ်းမတော်မြို့နယ် မင်းရဲကျော်စွာလမ်းရှိ ယာဉ်ရောင်းဝယ်ရေးစခန်း အား မင်္ဂလာဒုံမြို့နယ်ရှိ ပုလဲမြို့သစ်သို့ ပြောင်း ရွှေ့ဖွင့်လှစ်မည်ဟု သတင်းထွက်ပေါ်မှုကြောင့် ပုလဲမြို့သစ်နှင့် အနီးတစ်ဝိုက်ရှိ မြေကွက် ဈေးနှုန်းများ အချိန်တိုအတွင်း နှစ်ဆကျော် အထိ ထိုးတက်သွားကြောင်း အိမ်ခြံမြေအကျိုး ဆောင်များက ပြောကြားသည်။

ဟံသာဝတီယာဉ်ရပ်နားစခန်းမှနေ၍ မင်းရဲကျော်စွာယာဉ်ရပ်နားစခန်းသို့ ပြီးခဲ့သည့် မတ်လတွင် ပြောင်းရွှေ့ခဲ့ခြင်းဖြစ်ကာ ယင်းနောက် မကြာမီပင် မင်းရဲကျော်စွာယာဉ်ရပ်နားစခန်း နေရာအား အဆင်မြင့်ဆေးရုံ တည် ဆောက်မည်ဖြစ်ခြင်းကြောင့် ယာဉ်ရပ်နားစခန်း ကို ပုလဲမြို့သစ်သို့ ပြောင်းရွှေ့မည်ဟု သတင်း များထွက်ပေါ်ခဲ့ခြင်းဖြစ်ပြီး အဆိုပါသတင်း အပေါ်အခြေပြုကာ ဇွန်လလယ်ခန့်မှစတင်

ပြီး ယင်းသို့ဈေးနှုန်းများပြောင်းလဲလာခဲ့ခြင်း ဖြစ်ကြောင်း ယင်းတို့က ပြောကြားသည်။

ပုလဲမြို့သစ်ရှိ အိမ်ခြံမြေအကျိုးဆောင်တစ်ဦးက ''အခုအချိန်ကတော့ အသံမကြားလိုက်နဲ့ ဈေးတက်မယ့်လူ နဲ့ လိုက်ဝယ်မယ့် လူနဲ့ ဈေးကွက်က အဲဒီလိုဖြစ်နေတာ''ဟု ပြောသည်။

ပုလဲမြို့သစ်တွင် မြေဈေးနှုန်းများသည် အဓိကအားဖြင့် လမ်းမတန်းများတွင် မြင့်တက် နေခြင်းဖြစ်ကာ ယခင်က ပေ ၁ဝဝပတ်လည် မြေတစ်ကွက်လျှင် ကျပ်သိန်း ၃ဝဝဝခန့်ဖြစ် ရာမှ ယခုအခါ ကျပ်သိန်း ၅ဝဝဝအထိ မြင့် တက်သွားခြင်းဖြစ်ပြီး အမှန်တကယ်အရောင်း အဝယ်ဖြစ်လျက်ရှိကာ ဓာတ်ဆီဆိုင်၊ စားသောက်ဆိုင် အစရှိသော စီးပွားရေးလုပ်ငန်းများ လုပ်ကိုင်ရန် ဝယ်ယူကြခြင်းဖြစ်ပြီး ရပ်ကွက်

အတွင်း၌မူ လမ်းပန်းဆက်သွယ်ရေး ခက်ခဲမှု ကြောင့် ဈေးနှုန်းပမာဏ ထူးခြားစွာမြင့်တက်ခြင်း မရှိကြောင်း စိုင်းခွန်နောင်အိမ်ခြံမြေအကျုးိ ဆောင်လုပ်ငန်းမှ တာဝန်ရှိသူတစ်ဦးက ပြော သည်။

ပုလဲမြို့သစ်နှင့်အနီးတစ်ဝိုက်ရှိ မြေဈေးနှုန်း များမှာ အမှတ်(၃)လမ်းမကြီးတစ်လျှောက် တွင် တစ်စတုရန်းပေလျှင် ကျပ်တစ်သိန်းခန့် ဖြစ်ပြီး ပေ ၄ဝx ၆ဝ၊ ပေ၆ဝx၈ဝနှင့် ပေ၁ဝဝ ပတ်လည် စသဖြင့် မြေကွက်များရှိပြီး လုပ်ငန်း ပေါ်မူတည်ကာ ဈေးနှုန်းအမျိုးမျိုးဖြင့် အရောင်း အဝယ်ဖြစ်နေကြပြီး ရက်ပိုင်းအတွင်း၌ပင် မြေကွက်ကြီးသုံးခုခန့် အရောင်းအဝယ်ဖြစ် ခဲ့ကြောင်း နယ်မြေခံ အိမ်ခြံမြေလုပ်ငန်းလုပ်

ကိုင်သူတစ်ဦးက ပြောသည်။

အမှတ်(၃)လမ်းမကြီးတစ်လျှောက်တွင် ဓာတ်ဆီဆိုင်၊ မော်တော်ယာဉ်အရောင်းပြခန်း များ၊ မော်တော်ယာဉ်အကြီးစားပြုပြင်မှုဝပ်ရှော့ စသည့် စီးပွားရေး လုပ်ငန်းများ တည်ထောင်မှု လျင်မြန်စွာတိုးပွားလာနေပြီး ယခုကဲ့သို့ ဈေး နှုန်းတစ်ဟုန်ထိုးမြင့်တက်ခြင်းသည် အမှတ် (၃)လမ်းမကြီးကို စတင်ဖွင့်လှစ်ပြီးနောက်ပိုင်း မင်္ဂလာဒုံမြို့နယ်အတွင်းရှိ ပုလဲမြို့သစ်၊ သင်္ဃန်း ကျွန်းကြီး၊ ထောက်ကြံ့၊ နွယ်ခွေ စသည့်ဒေသများတွင် ဒုတိယအကြိမ်အဖြစ် ဈေးနှုန်းများ မြင့်တက်လာခြင်းဖြစ်သည်။

Ref : Mizzima

Follow Us On