သင်္ကြန်အပြီး အိမ်ခြံမြေဈေးကွက်က အပြောင်းအလဲသိပ်မရှိပေမဲ့ မှုဝါဒအပြောင်းတွေ တည်ငြိမ်မယ်ဆိုရင်တော့ ဈေးကွက်အပြောင်းအလဲ ရှိလာနိုင်တယ်လို့ သိရပါတယ်။
အိမ်ခြံမြေအရောင်းအဝယ်ဈေးကွက်က တချို့နေရာတွေမှာ အရောင်းရှိပေမဲ့ တချို့နေရာတွေမှာ အရောင်းငြိမ်နေပါသေးတယ်။ မှုဝါဒအပြောင်းအလဲတွေကလည်း ရှိနေတာကြောင့် အိမ်ခြံမြေမှ ရင်းနှီးမြှုပ်နှံသူတွေ စောင့်ကြည့်အနေအထားဖြစ်နေတယ်လို့ အကျိုးဆောင်တချို့က ပြောပါတယ်။
ဝါရင့်အကျိုးဆောင်ဦးမောင်မောင်က "အရင်က မြို့စွန်မြေကွက်တွေဆို အရောင်းအဝယ်ရှိထဲ့တယ် ၊ အခုအချိန်မှာ မြို့စွန်မြေကွက်တွေလဲ အရောင်းအဝယ်ကျတေတာက အရင်အစိုးရတုန်းက ဖော်ဆောင်ဖို့ သတ်မှတ်ထားတဲ့ စီမံကိန်းတွေ ၊ တချို့မတည်မငြိမ်နဲ့ ဖြစ်နေတာတွေ ၊ အဝယ်ပျောက်နေတာတွေကြောင့်" လို့ပြောပါတယ်။
သင်္ကြန်မတိုင်ခင်က သင်္ကြန်ပြီးရင် အရောင်းအဝယ်ပြန်ကောင်းလာနိုင်တယ်လို့ ပြောကြသူတွေ ရှိပါတယ်။ အိမ်ခြံမြေနဲ့ ဆက်စပ်တဲ့ မှုဝါဒအပြောင်းအလဲတွေ ၊ သတ်မှတ်ချက်တွေကြောင့် တည်ငြိမ်တဲ့ ကာလရောက်မှသာ ဈေးကွက်အပြောင်းအလဲ ပြန်ရှိလာနိုင်မယ်လို့ သိရတယ်။
ဝယ်ရောင်းအကျိုးဆောင် ဦးဝင်းနိုင်က ‘အရောင်းအဝယ်က အရမ်းနည်းတယ် ၊ ဒီရက်ပိုင်းတိုက်ခန်းတွေတော့ ဈေးလှုပ်ခတ်တာမျိုးရှိတယ် ၊ အဝယ်တော့မရှိဘူး ၊ တိုက်ခန်းဆိုင်ရာ ဥပဒေကြောင့် ဈေးလှုပ်သွားတဲ့သဘောပါပဲ ၊ ဝယ်သုကတော့ မရှိသလောက်အေးနေတာ’ လို့ ပြောပါတယ်။
မြေကွက်နဲ့ လုံးချင်းအရောင်းအဝယ်တွေမှာတော့ နေဖို့ဝယ်သူတချို့ကပြောပါတယ် ။ တိုက်ခန်းအရောင်းအဝယ်ကတော့ ရောင်းချလိုတဲ့သူတွေသာ အများနေတယ်လို့ သိရပါတယ်။
ဝသုန်အကျိုးဆောင် ဦးမောင်ဝင်းက "အခုထိကတော့ အရောင်းထက်အငှားပဲပိုကောင်းတယ် ၊ မြို့ထဲပိုင်းမှာတော့ အသင့်ပြင်ဆင်ပြီး ကွန်ဒိုတိုက်ခန်းနဲ့ လုံးချင်းအငှားတော့ ပိုကောင်းတယ် ၊ အရင်က သင်္ကြန်အပြီးတို့ မိုးဦးကာလတို့ရောက်ရင် အရောင်းအဝယ်ပြန်ဖြစ်ပြီး အငှားဈေးကွက်အရမ်းကောင်းတာ ၊ အခုတော့ မှုဝါဒတွေ အပြောင်းအလဲရှိနေတော့ စောင့်ကြည့်နေကြတဲ့သဘောပါ" လို့ ပြောပါတယ်။
Ref : The Kumudra
Photo Credit : mizzima
Posted By : Htet Mhuu
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
