အငြိမ်းစားနိုင်ငံ့ဝန်ထမ်းအိမ်ရာ အိမ်ခန်းပေါင်း (၃၀၀၀) တည်ဆောက်ရေးစီမံကိန်း လုပ်ငန်းညှိနှိုင်း အစည်းအဝေးပွဲကို ၂၀၂၀ ပြည့်နှစ် မတ်လ ၁၇ ရက်နေ့ မွန်းလွဲ ၃ နာရီခွဲအချိန်တွင် နေပြည်တော်စည်ပင်သာယာရေးကော်မတီ အစည်းအဝေးခန်းမ၌ ကျင်းပပြုလုပ်ခဲ့ကြောင်း သိရသည်။
အဆိုပါအစည်းအဝေးကို အငြိမ်းစားဝန်ထမ်းအိမ်ရာများတည်ဆောက်ရေးဦးစီးကော်မတီ ဥက္ကဋ္ဌ၊ နေပြည်တော်စည်ပင်သာယာရေးကော်မတီ ဒုတိယမြို့တော်ဝန် ဦးရဲမင်းဦး ဦးဆောင်ကာ ကျင်းပခဲ့ခြင်းဖြစ်သည်။
ပထမဦးစွာ ပန္နက်တင်ပွဲပြုလုပ်မည့်အစီအစဉ်များနှင့် ပတ်သက်၍ လည်းကောင်း၊ ပန္နက်တင်ပြီးသည်နှင့်တစ်ပြိုင်နက် လုပ်ငန်းစတင်နိုင်ရန်နှင့် အမြန်ဆုံးဆောင်ရွက်နိုင်ရန်အတွက် ကော်မတီ၏ အုတ်စက်ရုံမှ အုတ်များရောင်းချပေးမည်ဖြစ်ကြောင်း ဦးရဲမင်းဦးက ပြောကြားသည်။
ဆက်လက်ပြီး မြေကြီးလုပ်ငန်းများနှင့်ပတ်သက်၍ ဆောင်ရွက်ရမည့် ကိစ္စရပ်များကို ဌာနမှစီစဉ်ဆောင်ရွက်နေပါကြောင်းနှင့် အခြားအခြေခံအဆောက်အအုံ (infrastructure) လုပ်ငန်းများကိုလည်း အချိန်မီပြီးစီးအောင် ဆောင်ရွက်ကြရမည်ဖြစ်ကြောင်း ၎င်းက ပြောကြားသည်။
ထို့နောက် မြန်မာနိုင်ငံဆောက်လုပ်ရေးလုပ်ငန်းရှင်များအသင်းချုပ်နှင့် မြန်မာနိုင်ငံလိုင်စင်ရ ကန်ထရိုက်တာများအသင်းချုပ်တို့မှ ကိုယ်စားလှယ်များက ပန္နက်တင်ရန်ဆောင်ရွက်နေမှုများ၊ ဆက်လက်ဆောင်ရွက်လိုသည့်ကိစ္စရပ်များနှင့် စပ်လျဉ်း၍ ရှင်းလင်းတင်ပြရာ အစည်းအဝေးတက်ရောက်လာကြသူများက လိုအပ်သည်များကို မေးမြန်းဆွေးနွေးခဲ့ကာ အစည်းအဝေး ပြီးဆုံးခဲ့ကြောင်း သိရှိရသည်။
Ref & Photo Credit : Myanmar Builders Guide
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
