ပဲခူးမြစ်ရဲ့ လှပတဲ့ မြစ်ပြင်အလှရှုခင်းနဲ့အတူ အရည်အသွေးကောင်းတဲ့ အဆင့်မြင့်ကွန်ဒိုမီနီယံတစ်ခုမှာ နေထိုင်ချင်တဲ့သူတွေအတွက် The River View Tower လို့ နာမည်ပေးထားတဲ့ ကွန်ဒိုမီနီယံပရောဂျက် တစ်ခုကို တည်ဆောက်နေပါပြီ။ ရန်ကုန်မြို့လယ်ခေါင်ဆီကို သွားရေးလာရေးနီးစပ်တဲ့ သာကေတမြို့နယ် ထဲက ရတနာလမ်းပေါ်မှာ တည်ဆောက်နေတာဖြစ်ပါတယ်။
တိတ်ဆိတ်ငြိမ်သက်တဲ့နေရာလေးနဲ့အတူ ရွေ့လျားစီးဆင်းနေတဲ့ မြစ်ပြင်ရှုခင်းရဲ့ အလှအပကို ခံစားနိုင်ဖို့ အထူးကောင်းမွန်တဲ့ ဝန်ဆောင်မှုတွေနဲ့ River View Tower ကို တည်ဆောက်နေတာပါ။ မြစ်ကမ်းကို မျက်နှာမူနေတဲ့ အခန်းတွေကို သိန်း(၈၄၀)ကနေစပြီး အထူးဈေးနှုန်းအစီအစဉ်တွေနဲ့ ရောင်းချပေးနေပါတယ်။
The Signature Club လို့ခေါ်တဲ့ ဖျော်ဖြေရေးအစီအစဉ်တွေစုစည်းထားတဲ့ စမတ်ကျတဲ့နေရာလေးတစ်ခု လည်း ပါဝင်ပါတယ်။ သင့်ရဲ့စိတ်ကူးကို အကောင်းဆုံး ပုံဖော်ပေးမယ့် ရှင်သန်လိုစိတ်တို့စုစည်းရာ နေရာလေး တစ်ခုအဖြစ် သင့်ကို လှမ်းခေါ်နေပါပြီ။ သင့်ရဲ့ခြေလှမ်းတွေဟာ The River View Tower ရဲ့ (၁၂)ထပ်အမြင့် ကိုရောက်နေပြီဆိုရင်တော့ အံ့သြမှင်သက်ဖွယ်ကောင်းတဲ့ မြင်ကွင်းတစ်ခုကို သင်သေချာပေါက် မြင်တွေ့ရမှာ ဖြစ်ပါတယ်။ ပြာလဲ့နေတဲ့ ရေကူးကန်၊ အားကစားပစ္စည်းတို့စုစည်းရာ Gym, နှစ်လိုဖွယ်ကောင်းတဲ့ ဥယျာဉ်လေး တွေ၊ အပန်းဖြေအနားယူရန်ခန်းမ၊ အသေးစားရုပ်ရှင်ရုံ နဲ့ အတူ ဖျော်ဖြေရေးကိစ္စတွေကို သင့်ရဲ့ နေအိမ် လေးထဲကနေ ပြုလုပ်နိုင်မှာဖြစ်ပါတယ်။
ဒါ့အပြင် Tower ရဲ့ အပေါ်ဆုံးထပ်ကနေ (၃၆၀) ဒီဂရီ လှည့်ပတ်ကြည့်ရှုနိုင်မယ့် ပဲခူးမြစ်ရဲ့ အလှနဲ့ ရန်ကုန်မြို့ထဲကို အပေါ်စီးကြည့်ရှုနိုင်မှာဖြစ်သလို၊ တိုင်းရင်းသားကျေးရွာကို လှမ်းမြင်တွေ့နိုင်မှာပဲဖြစ်ပါတယ်။ မြစ်ပြင်ရှုခင်းနဲ့ ရန်ကုန်မြို့ရဲ့ အလှကို အပေါ်စီးကြည့်ရှုနိုင်မယ့် အခွင့်အရေးတွေအပြင် ပျော်ရွှင်မှုတစ်ခု ဖန်တီးဖို့ အကောင်းဆုံးနေရာတစ်ခုအဖြစ် စီစဉ်ထားပါတယ်။
ILA International ကနေ အကောင်အထည်ဖော်နေတဲ့ စီမံကိန်းတစ်ခုဖြစ်ပြီး၊ အရည်အသွေးအကောင်းဆုံး အိမ်ဆောက်လုပ်ပစ္စည်းတွေကို အသုံးပြုပြီးတည်ဆောက်နေတာပါ။ နိုင်ငံတကာစံနှုန်းနဲ့ ကိုက်ညီတဲ့ ဗိသုကာ လက်ရာတွေအပြင် ဒူဘိုင်းနဲ့စင်္ကာပူနိုင်ငံတို့ရဲ့ ရှုခင်းဒီဇိုင်းတွေ ရေးဆွဲတည်ဆောက်ထားပါတယ်။
The River View Tower ကို ဇူလိုင်လ(၂၈)ရက်ကနေ (၃၀)ရက်နေ့ထိ ကျင်းပမယ့် Shwe Property ရဲ့ တန်ဖိုးသင့်အိမ်ရာအရောင်းပြပွဲမှာ အသက်သာဆုံးငွေပေးချေမှုပုံစံတွေနဲ့ အတူ ပါဝင်ရောင်းချသွားဦးမှာပါ။
မြစ်ရေပြင်ရဲ့ အလှအပကို ကြည့်ရှုခံစားပြီး၊ အိမ်ထဲမှာပဲ ဖျော်ဖြေရေးအစီအစဉ်တွေနဲ့အတူ မြူးကြွတဲ့ လူနေမှု ပုံစံတစ်ခုကို ဖြည့်ဆည်းပေးဖို့ The River View Condo က အကောင်အထည်ဖော်နေပါပြီ။ (၆၀)ရာခိုင်နှုန်း ဆောက်လုပ်ပြီးစီးနေပြီး၊ နောက်(၁၂)လအတွင်းမှာ တိတ်ဆိတ်တဲ့နေရာလေးတစ်ခုမှာ သင့်ရဲ့ မြူးကြွတဲ့ နေထိုင်မှု ပုံစံ အသစ်တွေကို ဖန်တီးနိုင်တော့မှာပါ။…..
Written By : Wut Yee Htun (Shweproperty.com)
Posted By : Wai Phyoe (Shweproperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
