မြန်မာနိုင်ငံတွင် လူငယ်လူရွယ်များမှာ တခြားမြို့၌ ကောလိပ်တက်ရခြင်း၊ အလုပ်အတွက် ပြောင်းရွှေ့ရခြင်း သို့မဟုတ် အိမ်ထောင်ကျခြင်းစသည့် အကြောင်းရင်းတစ်ခုခု မရှိပါက မိသားစုအိမ်တွင်သာ နေထိုင်လေ့ရှိကြသည်။ မိသားစုနှင့် အိမ်ခွဲနေပါက မြို့ပြဒေသတွင် အိမ်ငှားခများ ဈေးကြီးမြင့်သည့်အတွက် မိမိနှင့်သက်တူရွယ်တူ သူငယ်ချင်းများ၊ ဆွေမျိုးများနှင့် စုပေါင်း၍ အိမ်ခန်းတစ်ခန်းကို ဝေမျှငှားရမ်းနိုင်သည်။ အချို့အခြေအနေများ၌ အိမ်ထောင်သည်များသည် အိမ်ငှားခ မတတ်နိုင်သောကြောင့် မိဘတစ်ဦးဦးအိမ်တွင် နေထိုင်ကြရသည်လည်း ရှိသည်။

အကြောင်းရင်းကြီးကြီးမားမားတစ်ခုရှိ၍သာ လူအများက အိမ်ငှားကြသည်။ မြန်မာနိုင်ငံ၏ အိမ်ခြံမြေဈေးနှုန်းများမှာ အလွန် အမင်း မြင့်မားလျက်ရှိသည်။ လူအများမှာ အိမ် သို့ အိမ်ခန်း ဝယ်ယူရန် မတတ်နိုင်ကြချေ။ ပုံမှန်ဝန်ထမ်းဘဝဖြင့် ၁၀ နှစ် အလုပ်လုပ်သည့်တိုင် သင်သည် အိမ်တစ်လုံး ဝယ်ယူနိုင်ရန်မှာ မသေချာချေ။ သို့ဖြစ်၍ လူအများစုသည် အိမ်ဝယ်ရန်ထက် အိမ်ငှားရန်ကိုသာ ရွေးချယ်ကြသည်။



အိမ်ငှားစာချုပ်

အိမ်ငှားစာချုပ်ဆိုသည်မှာ အိမ်ပိုင်ရှင်နှင့် အိမ်ငှား နှစ်ဦးလုံးအတွက် အိမ်ငှားရမ်းခြင်းဆိုင်ရာသဘောတူညီမှု စည်းကမ်းချက်များ၊ တာဝန်များပါဝင်သော နှစ်ဦးနှစ်ဖက်လိုက်နာရမည့် စာချုပ်ဖြစ်သည်။  ယင်းတွင် လစဉ် အိမ်ငှားခနှုန်းထား၊ နောက်ဆုံးပေးရမည့်ရက်၊ အငှားကာလနှင့် တစ်ဖက်ဖက်က စာချုပ်ဖောက်ဖျက်ပါက အရေးယူဆောင်ရွက်မည့် စည်းကမ်းချက်များ ပါဝင်သည်။ စာချုပ်ထဲတွင် အိမ်အငှားချထားသူ သို့မဟုတ် မြေပိုင်ရှင်မှ ရေခ၊ မီးခများ ပေး/မပေး၊ အိမ်မွေးတိရစ္ဆာန်မွေးမြူမှုစည်းကမ်းနှင့် မြေပိုင်ရှင်က ထည့်သွင်းလိုသည့် အခြားကန့်သတ်ချက်များ၊ လိုလားချက်များ ပါဝင်လေ့ရှိသည်၊၊

လက်မှတ်မထိုးမီ သင်၏ အိမ်ငှားစာချုပ်ကို သေချာစွာ ဖတ်ပါ။ စာချုပ်တွင်ပါသမျှ အချက်အားလုံးကို သင်သိရှိထားသည်ဟူ၍ တာဝန်ခံရမည် ဖြစ်သည်။ မိမိအတွက်မှတ်တမ်းအဖြစ် စာချုပ်တစ်စောင်ကို သိမ်းထားပါ။ သင်နှင့် အိမ်ရှင်တို့အား ခွင့်ပြုထားသည့်အရာ၊ ခွင့်မပြုသည့်အရာများကို လွယ်လင့်တကူသိရှိလိုလျှင်သော်လည်းကောင်း၊ ရှေ့နေတစ်ဦးအား စစ်ဆေးစေလိုလျှင်သော်လည်းကောင်း၊ အသုံးဝင်လာနိုင်သည်။

ပူးတွဲလက်မှတ်ထိုးခြင်း

စာချုပ်ချုပ်ဆိုရာတွင် အငှားချထားသူနှင့် ငှားရမ်းသူ နှစ်ဖက်စလုံးမှ အသိသက်သေတစ်ဦးစီသည် စာချုပ်တွင် လက်မှတ်ရေးထိုးရသည်။ ၎င်းတို့မှာ စာချုပ်၏ သက်သေများ ဖြစ်သည်။

စာချုပ် ချိုးဖောက်ခြင်း

စာချုပ် ချိုးဖောက်ခြင်း (သဘောတူ ကာလမတိုင်မီ ပြောင်းရွှေ့ခြင်း) ကို တတ်နိုင်သရွေ့ ရှောင်ကြဉ်ပါ။ စာချုပ်ချိုးဖောက်မှုအတွက် အိမ်ငှားစာချုပ်တိုင်းတွင် ဒဏ်ကြေးပါရှိသည်။ သဘောတူကာလမတိုင်မီ အိမ်ပြောင်းလိုပါက အိမ်ငှားခကို ဆက်ပေးရမည်ဖြစ်ပြီး ကာလကုန်ဆုံးချိန်အထိ အာမခံစပေါ်ငွေကို ပြန်လည်ထုတ်ယူခွင့် ရရှိမည်မဟုတ်ပေ။

လေ့လာမှတ်သားစရာ အိမ်ခြံမြေဆောင်းပါးများ

စာချုပ်ချုပ်မည်ဆိုလျှင် လက်ရောက်ပေးအပ်ပါသည် ဆိုသည့်ကိစ္စ

အိမ်ခြံမြေဝယ်မယ်ဆိုရင်

အိမ်ခြံမြေရောင်းတော့မယ်ဆိုရင် ရောင်းသူများဘက်မှ ကြိုတင်ပြင်ဆင်ထားရမယ့်အချက်များ

ဂရန်လျှောက်ထားခြင်း


Credit By: Practicalmoneyskills
Posted By : Chan Myae (ShweProperty.com)