မိုးရာသီရောက်လာပြီဆိုရင် အိမ်က အဝင်အထွက်များတာ၊ မိုးရေစိုစွတ်မှုတွေကြောင့် သင့်အိမ်ခန်းမှာ အနံအသက်တွေ မကောင်းလို့ စိတ်ညစ်နေပြီလား ??
 
မိုးရာသီမှာ အိမ်မှာ အေးအေးဆေးဆေး အနားယူရမယ့်အစား အနံအသက်တွေကြောင့် အိမ်ထဲကနေ ပြေးထွက်ချင်နေတယ်ဆိုရင်တော့ အခုဖော်ပြမယ့်နည်းလမ်းလေးတွေကို လိုက်လုပ်ကြည့်လိုက်ပါ။
 
(၁) ဗန်နီကာ
 
မိုးရာသီမှာ အဖြစ်များဆုံးက မိုးရွာတဲ့အခါ အုတ်နံရံတွေရေစိမ်ဝင်ပြီး စိုစွတ်ကာ ဆေးနံဆိုးဆိုးတွေ ထွက်လာတာပါပဲ။ ဒီအနံဆိုးဆိုးကနေ ကာကွယ်ဖို့အတွက် ဗန်နီကာနဲ့ ရေကို ဆတူရောပြီး ဆေးသုတ်တံဖြင့် လိုက်သုတ်ထားပါ။ ဆေးသုတ်တံမရှိလျှင် တံမြက်စည်းအကြမ်းအစုတ်တစ်ခုကို အသုံးပြုနိုင်ပါတယ်။ ဗန်နီကာ အနံ့အတွက်တော့ စိတ်မပူပါနဲ့၊ သုတ်ပြီး နာရီဝက်အတွင်း ပျောက်ပါတယ်။  
 


(၂) ဖိနပ်စင်၊ ထီးထည့်တဲ့ပုံး
 
ဖိနပ်တွေ၊ ထီးတွေက မိုးရာသီမှာ အနံ့အများဆုံးထွက်တဲ့အရာတွေပါ။ ဒီတော့ ဒီပစ္စည်းတွေ သိမ်းဆည်းတဲ့နေရာကို အိမ်ရဲ့အပြင်ဘက်မှာ ထားပါ။ အိမ်ရဲ့အပြင်ဘက်မှာ ထားတဲ့အခါမှာလည်း အနံ့တွေထွက်နေနိုင်တာကြောင့် ဖိနပ်တွေ၊ ထီးတွေကို  ထောင်ထားပါ၊ လှဲမထားပါနဲ့။ ဖိနပ်စင်နားမှာ ပရုတ်လုံးချိတ်ထားပေးပါ။
 
(၃) ကောဇောတွေမသုံးနဲ့
 
မိုးရာသီအတွင်း အိမ်မှာခင်းထားတဲ့ ကောဇောတွေကို လိပ်ပြီး ခနသိမ်းထားလိုက်ပါ။ ကောဇောတွေဟာ စိုစွတ်လွယ်ပြီး အထဲထိ ခြောက်သွေ့ရခက်ပါတယ်။ ဒီအခါမှာ အနံ့ဆိုးတွေ ထွက်ပေါ်လာတက်ပါတယ်။ ဖုန်စုပ်စက်အသုံးပြုရုံနဲ့ ဒီအနံ့တွေကို မဖျောက်နိုင်ပါဘူး၊ ဒီတော့ မိုးရာသီအတွင်းသိမ်ထားလိုက်တာက အကောင်းဆုံးပါ။
 
 
(၄) စိုထိုင်းမှု ကို လျော့နည်းအောင်ပြုလုပ်ပါ။
 

 
အိမ်တွင်းမှာရှိတဲ့ အစိုဓာတ်ကလည်း လူ့ခန္ဓာကိုယ်က ချွေးနံ့၊ခြေစေးနံ့တွေနဲ့ ပေါင်းမိတဲ့အခါ အခန်းတွင်းမှာ အနံဆိုးတွေ ဖြစ်ပေါ်လာတက်ပါတယ်။ ဒါကြောင့် ပရုတ်လုံးချိတ်ဆွဲထားတာ၊ အလွယ်တကူဝယ်လို့ရတဲ့ drying powder၊ moisture absorber တွေကို အိမ်မှာ ချိတ်ဆွဲထားနိုင်ပါတယ်။
 
(၅) ပန်းပင်စိုက်ပါ။
 
သဘာ၀ မွှေးရနံ့ရရှိအောင် ပြုလုပ်ပါ။ ပန်းပင်စိုက်တာ၊ ပန်းအိုးထိုးတာက သဘာဝသင်းရနံ့ရစေဖို့အတွက် အကောင်းဆုံးပါ။ အိမ်ခန်းကျယ်တယ်ဆိုရင် အိမ်ခန်းအဝင်ဝနားမှာ စံပယ်ပင်ကို စိုက်ပါ။ တိုက်ခန်းမှာ နေထိုင်တဲ့သူဆိုရင်တော့ အိုးပုတ်စံပယ်ပင်အမျိုးအစားကို စိုက်ပျိုးထားနိုင်ပါတယ်။
ဒီနည်းလမ်းလေးတွေကို သိပြီဆိုရင်တော့ မိုးရာသီမှာ အနံ့ဆိုးထွက်တဲ့ဒဏ်ကနေ ကင်းဝေးစေမှာပါ။ 
 
လေ့လာမှတ်သားစရာ အိမ်ခြံမြေဆောင်းပါးများ
 
မိုးရာသီမှာ သင့်ရဲ့သစ်သားပရိဘောဂတွေကို ဘယ်လိုထိန်းသိမ်းမလဲ
 
သင့်အိမ်ထဲက အညစ်ပတ်ဆုံးနေရာ ၇ နေရာ
 
သင့်အိမ်ကမီးဖိုချောင်အနံ့အသက်တွေကြောင့် စိတ်ညစ်နေပြီလား
 
မီးဖိုချောင်အတွင်း BACTERIA များပေါက်ပွားနေသည့် ပစ္စည်း (၆) မျိုး
 
Written By: Shwe Kyaw, ShweProperty.com
Posted By: Ra Wai, ShweProperty.com