ရန်ကုန်တိုင်းဒေသကြီး အိမ်ရာစီမံကိန်းများ ရောင်းချရေးကြီးကြပ်မှုကော်မတီက စတုတ္ထအသုတ်အဖြစ် အိမ်ခန်းလက်ကျန် ၂၁၁ခန်းကို စိစစ်ခွင့်ပြုထားသည့် ၆၉၆ဦးအား ရောင်းချပေးမည်ဖြစ်ကြောင်း ကြေငြာချက် ထုတ်ပြန်ခဲ့သည်။
စတုတ္ထအသုတ်အဖြစ်ရောင်းချမည့် အိမ်ခန်း ၂၁၁ ခန်းကို ဝယ်ယူခွင့်ပြုထားသည့် ၆၉၆ ဦးစာရင်းကို ဗိုလ်တထောင်မြို့နယ်ရှိ မြို့ပြနှင့် အိမ်ရာဖွံ့ဖြိုးရေးဦးစီးဌာန ရန်ကုန်တိုင်းဒေသကြီး ညွှန်ကြားရေးမှူးရုံး မြေညီထပ် Yangon City Gallery တွင် ဇန်နဝါရီ ၂၇ ရက်မှ ဖေဖော်ဝါရီ ၂၁ ရက်အထိ ကြေငြာသင်ပုန်း၌ ကြေငြာပေးသွားမည်ဖြစ်သည်။
ဝယ်ယူခွင့်ရရှိသူများသည် ဆောက်လုပ်ရေး၊အိမ်ရာနှင့် အခြေခံအဆောက်အအုံဖွံ့ဖြိုးတိုးတက်ရေးဘဏ် (CHID Bank) တွင် Housing Saving Account ကျပ်သိန်း (၃ဝ)ကိုပေးသွင်းပြီးမှသာ ဝယ်ယူလိုသော အိမ်ရာများကို Yangon City Gallery တွင် ဆန္ဒပြုရမည်ဖြစ်သည်။
ဆန္ဒပြုရာ အိမ်အလိုက် ရောင်းရန်ကျန်ရှိသည့် အိမ်ခန်းများကို မဲစနစ်ဖြင့် ရောင်းချပေးမည်ဖြစ်ပြီး မဲမပေါက်သူများသည် အခြားအိမ်ခန်းများ ရောင်းရန်ကျန်ရှိပါက ဆက်လက်ဆန္ဒပြုဝယ်ယူနိုင်သည်။
ဖောဖော်ဝါရီ ၂၁ရက်အထိ ငွေသွင်းခြင်း၊ဆန္ဒပြုခြင်းများဆောင်ရွက်ခြင်းမရှိပါက အိမ်ခန်းဝယ်ယူခွင့်အားလုံး ပျက်ပြယ်မည်ဖြစ်သည်။
Ref & Photo Credit : Myanmar Builders Guide
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
