ကုမ္ပဏီများမှ ရှယ်ယာများကို စတင်ရောင်းချသည့်အချိန်၌ ရင်းနှီး မြှုပ်နှံသူများက အပြိုင်အဆိုင်ဝယ်ယူ ကြခြင်းကြောင့် ရှယ်ယာဈေးမှာ သိသိသာသာ မြင့်တက်လာလေ့ရှိပါ သည်။ အထူးသဖြင့် စတင်ရောင်းချ သည့်နေ့ သို့မဟုတ် နာရီအနည်း ငယ်အတွင်းတွင် ရှယ်ယာဈေးနှုန်း မှာ မြင့်တက်လေ့ ရှိတတ်ပါသည်။
အတွေ့အကြုံများအရ ရှယ်ယာဈေး နှုန်းမှာ ကနဦးတွင် မြင့်တက်လာလေ့ ရှိသော်လည်း နောက်ပိုင်းတွင် ပြန် လည် ကျဆင်းတတ်သောကြောင့် ရင်းနှီးမြှုပ်နှံသူများသည် မူလဈေး နှုန်းထက် ချိုသာစွာ ဝယ်ယူနိုင်သည့် အခွင့်အရေးရှိပါသည်။ တစ်ခါတစ်ရံ စတင်ထုတ်ဝေထားသည့် ဈေးကိုပင် အချိန်အတန်ကြာသည့်တိုင် ပြန်လည် ရောက်ရှိခြင်းမရှိသည့်အတွက် ဈေးကွက်ကျွမ်းကျင်သူများက ရှယ် ယာများ စတင်ရောင်းချသည့်အချိန် တွင် သာမန်ရှယ်ယာရှင်များအနေ နှင့် ပါဝင်ရောင်းဝယ်ခြင်း မပြုသင့် ကြောင်း အကြံပြုထားပါသည်။
ထို့ကြောင့် ဈေးကွက်ကြီးကြပ် သူ အာဏာပိုင်များသည် ရှယ်ယာ ရောင်းချသည့်ကုမ္ပဏီများနှင့် တာဝန် ခံ ဖြန့်ချိပေးသည့် ရင်းနှီးမြှုပ်နှံမှု ဘဏ်ကြီးများ၏ မလျော်ကန်သည့် ဆက်နွှယ်မှုများကို စုံစမ်းထောက် လှမ်းလေ့ရှိပါသည်။ အချို့ တာဝန်ခံ ဖြန့်ချိသည့် ရင်းနှီးမြှုပ်နှံမှု ဘဏ်ကြီး များသည် မိမိတို့၏ ဖောက်သည်များ သို့ မူရင်းကမ်းလှမ်းဈေးဖြင့် ရောင်းချ ကာ ¤င်းတို့က သာမန် ရင်းနှီးမြှုပ်နှံ သူများသို့ အမြတ်ဖြင့် ပြန်လည်ရောင်း ချသည့်အတွက် ယင်းကိုလည်း အာဏာပိုင်များက စောင့်ကြည့်လေ့ ရှိပါသည်။ အချို့သော ရင်းနှီးမြှုပ်နှံမှု ဘဏ်များမှ ဝန်ထမ်းများအနေနှင့် ရောင်းချသည့်ရှယ်ယာများကို ထုတ် ဈေးနှင့်ဝယ်ယူကာ သာမန် ရင်းနှီး မြှုပ်နှံသူများသို့ တက်ဈေးဖြင့်ရောင်း ချသည်ဟု စွပ်စွဲခံရခြင်းများလည်း ရှိပါသည်။ ထို့ကြောင့် ဈေးကွက် ထိန်းကျောင်းသည့် အာဏာပိုင်များ သည် ရှယ်ယာများ စတင်ထုတ်ဝေ ရောင်းချသည့် IPO အဆင့်တွင်ပင် စနစ်တကျ ကြီးကြပ်ရပါသည်။
ကုမ္ပဏီတစ်ခုသည် ရှယ်ယာ များ ထုတ်ဝေရောင်းချသလို တစ်ခါ တစ်ရံ ၎င်းတို့၏ ရှယ်ယာများကို ပြန်လည်ဝယ်ယူခြင်းလည်း ရှိတတ် ပါသည်။ ယင်းကို repurchase သို့မဟုတ် buy-back ပြုလုပ်သည် ဟု ခေါ်ဆိုပါသည်။ ကုမ္ပဏီများသည် အောက်ဖော်ပြပါ အကြောင်းရင်း အမျိုးမျိုးဖြင့် ရှယ်ယာများကို ပြန်လည် ဝယ်ယူလေ့ ရှိပါသည်။
ကုမ္ပဏီတစ်ခုသည် ၎င်းထုတ် ဝေထားသည့် ရှယ်ယာအားလုံးကို ဝယ်ယူကာ အများနှင့် မသက်ဆိုင် သော ပုဂ္ဂလိကပိုင် ကုမ္ပဏီအဖြစ် ပြန်လည်ပြောင်းလဲခြင်း။
တစ်ခါတစ်ရံ ကုမ္ပဏီ၏ စွမ်း ဆောင်ရည် ကောင်းမွန်သည့်တိုင် ၎င်း၏ ရှယ်ယာဈေးများသည် ပေါက် ဈေးအောက် ရောက်နေသည်ဟု ကုမ္ပဏီအရာရှိများက ထင်မြင်သည့် အတွက် ထုတ်ဝေထားသည့် ရှယ်ယာ များ၏တစ်စိတ်တစ်ပိုင်းကို ပြန်လည် ဝယ်ယူခြင်း။
ရင်းနှီးငွေများ ပိုလျှံနေသည့် အချိန်မျိုးတွင် ရှယ်ယာအချို့ကို ပြန်လည်ဝယ်ယူကာ ရှယ်ယာရှင်များ သို့ပြန်လည်ပေးအပ်ခြင်း။ အချို့နိုင်ငံ များသည် ရှယ်ယာရောင်းချခြင်းမှ မြတ်စွန်းသည့်ငွေ capital gain ကို အခွန်သက်သာခွင့်ပေးသည်။ ထို့ အတွက် အမြတ်ဝေစုပေးခြင်းထက် ရှယ်ယာပြန်လည်ဝယ်ယူရာမှ ရရှိ သောငွေများဖြင့် ရှယ်ယာရှင်များသို့ ပြန်လည်ပေးအပ်သည့်အတွက် ရှယ် ယာရှင်များအဖို့ အကျိုးပိုမိုဖြစ်ခြင်း။ အချို့ကုမ္ပဏီများသည် ဝန်ထမ်း များသို့ ရှယ်ယာများ ပေးဝေရန် ရှိသည့်အတွက် ဈေးကွက်မှ ရှယ်ယာ များ ပြန်လည်ဝယ်ယူခြင်း။
လုပ်ငန်းဆောင်ရွက်မှု စရိတ်ကို လျှော့ချရန်အတွက် ဈေးကွက်ထဲရှိ ရှယ်ယာအရေအတွက် အနည်းငယ် သာပိုင်ဆိုင်သော ရှယ်ယာရှင်များ၏ ရှယ်ယာများကို ပြန်လည်ဝယ်ယူခြင်း တို့ဖြစ်ပါသည်။
ရှယ်ယာများ ပြန်လည်ဝယ်ယူ ခြင်းမှာ အခွန်စနစ်နှင့် များစွာဆက် နွှယ်လျက် ရှိပါသည်။ နိုင်ငံအတော် များများမှ ဤစနစ်ကို တွင်ကျယ်စွာ သုံးစွဲခြင်းမရှိပါ။ အဘယ့်ကြောင့် ဆိုသော် ရှယ်ယာများဈေးကွက်မှ ပြန်လည်ဝယ်ယူခြင်းသည် ကုမ္ပဏီ အနေဖြင့် ရှယ်ယာဈေးကို ကြိုးကိုင် လိုသည့်အတွက်ကြောင့်ဟု မကြာ ခဏ ဝေဖန်ခံရသောကြောင့် ဖြစ် သည်။ ကုမ္ပဏီသည် ပြန်လည်ဝယ် ယူထားသောရှယ်ယာများကို မိမိတို့ ကိုယ်ပိုင်စာရင်းအတွက် ထားရှိခြင်း ကြောင့် ယင်းရှယ်ယာအတွက် မဲပေး ပိုင်ခွင့်များ မရှိတော့ခြင်း၊ အမြတ် ဝေစုပေးရန် မလိုတော့ခြင်း စသည့် အကျိုးများလည်း ရှိစေပါသည်။
Ref : The Trade Times
Posted By : Wai Phyoe Aung
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
