တောင်ဥက္ကလာပမြို့နယ်မှာရှိတဲ့ ရွှေဖီခိုင်ညှာ အဆင်မြင့်လူနေတိုက်ခန်းကို လပေါင်း ၃၀ အရစ်ကျပေးသွင်းစနစ်နဲ့ စတင်ရောင်းချနေပြီလို့ သိရပါတယ်။
'ဒီလဆန်းလောက်က စရောင်းနေပါပြီ၊ ဂရန်မြေအမျိုးအစားပါ၊ ဒီဇိုင်းပိုင်းရော တည်ဆောက်မှုရောကို သရီးဖရန့်ကပဲ တာဝန်ယူတာပါ' လို့ သရီးဖရန့် ဆောက်လုပ်ရေးက တာဝန်ရှိသူက ပြောပါတယ်။
အခန်းအရေအတွက် ၁၆ ခန်း ဖြစ်ပြီး ပန့်ဟောက်စ် အပါအဝင်ဆိုရင် ၁၇ ခန်း ဖြစ်ပါတယ်။ အထပ်ရှစ်ထပ်ခွဲ ဖြစ်ပြီး တစ်ထပ်မှာ နှစ်ခန်းစီဖြစ်ကာ ၂၉ ပေ x ၅၂ ပေ အကျယ်ရှိ အဆင့်မြင့် လူနေတိုက်ခန်း အမျိုးအစား ဖြစ်တယ်။ ကားပါကင်အတွက်ကတော့ basement မှာ နေရာပေးထားပါတယ်။
အခန်းဈေးနှုန်းတွေက အနိမ့်ဆုံး ကျပ်သိန်း ၂၇၀၀ ကြားရှိပါတယ်။ ကျပ် ၁၅၀၀ ဝန်းကျင်ကနေ အရစ်ကျစနစ်နဲ့ ငွေပေးချေမယ်ဆိုရင် သိန်း ၁၅၀၀ ဝန်းကျင်ကနေ အရစ်ကျစနစ်နဲ့ ငွေပေးချေမယ်ဆိုရင် သိန်း ၁၅၀၀ ဝန်းကျင်ရှိတဲ့ အခန်းတစ်ခန်းအတွက် လ ၃၀ နဲ့စားပြီး တစ်လချင်းစီ ပေးသွင်းရမှာ ဖြစ်ပါတယ်။ ဒါမှမဟုတ် ရာခိုင်နှုန်းနဲ့ သွင်းမယ်ဆိုရင်တော့ ဥပမာ စာချုပ် ချုပ်ဆိုတဲ့ အချိန်မှာ ၃၀ ရာခိုင်နှုန်း အရင်သွင်းရမှာ ဖြစ်ပြီး တိုက်ရဲ့ ပြီးစီးတဲ့ အခြေအနေပေါ်မူတည်ပြီး ဆက်လက်ပေးသွင်းရမှာပါ။ ကျန်တဲ့ ငါးရာခိုင်နှုန်းကိုတော့ နောက်ဆုံးအခန်း သော့အပ်တဲ့အချိန်မှာ အပြီးပေးသွင်းရမှာ ဖြစ်တယ်။
'စီမံကိန်းကာလကတော့ စဆောက်တဲ့ အချိန်ကနေဆို နှစ်နှစ်ပါ၊ နောက်တစ်လ နှစ်လလောက်ဆို စဆောက်တော့မှာပါ' လို့ သရီးဖရန့် ဆောက်လုပ်ရေးမှ တာဝန်ရှိသူက ပြောပါတယ်။
ရွှေဖီခိုင်ညှာ အဆင့်မြင့်လူနေတိုက်ခန်းရဲ့ တည်နေရာကတော့ အမှတ်(၈/၂)၊ ဗြဟ္မစိုရ်လမ်း၊ ရွှေဖီခိုင်ညှာလမ်းနဲ့ ခွာညိုလမ်းထောင့်၊တောင်ဥက္ကလာပမြို့နယ်မှာ တည်ရှိပါတယ်။
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
