ရွှေပြည်သာမြို့နယ်အတွင်းရှိ မိန်းလမ်းမတန်းနေရာများဖြစ်သော ဗိုလ်ချုပ်လမ်းမဘေးရှိ ပေ ၆၀ ပတ်လည် မြေတစ်ကွက်လျှင် ကျပ်သိန်းတစ်ထောင်ခန့် ပေါက်ဈေးတွင်သာ ဈေးများငြိမ်လျက်ရှိနေကြောင်း ရွှေပြည်သာမြို့နယ်အခြေစိုက်အိမ်၊ ခြံ၊မြေ အကျိုးဆောင် လုပ်ငန်းများထံမှ စုံ စမ်းသိရှိရသည်။
“အခုလက်ရှိအချိန်မှာ ထန်းခြောက်ပင် တစ်ဝိုက်နဲ့ ပတ္တမြားဈေး ဘက်သွားတဲ့ နေရာဘက်မှာ ဈေးအကောင်းဆုံးပဲ၊ ပေ ၂၀ x ၆၀ တစ် ကွက်ကို သိန်း ၁,၀၀၀ ဝန်းကျင်လောက် ဈေးပေါက်တယ်၊ ဘာလို့ ဈေးကောင်းရတာလဲဆိုတော့ အဲဒီ နေရာတွေက အဓိကလူစည်ကား တဲ့နေရာတွေမို့ လို့”ဟု အောင်သပြေ အိမ်၊ ခြံ၊ မြေ အကျိုးဆောင်လုပ်ငန်းမှ တာဝန်ရှိသူတစ်ဦးက ပြောသည်။
စက်မှုဇုန် မြေနေရာဖြစ်သော အမှတ် ၄ လမ်းမအနီးရှိသော သာဓုကန်စက်မှုဇုန်၌ လက်ရှိအချိန်တွင် မြေတစ်ဧကလျှင် ကျပ် သိန်း ၆,၀၀၀ ဝန်းကျင်ခန့် ပေါက်ဈေးရှိပြီး ပုလဲလမ်း (စက်မှုလမ်း)အတွင်းရှိ ပေ ၄၀ x ၆၀ မြေတစ်ကွက်လျှင် သိန်း ၈၀၀ ဝန်းကျင် ခန့်ပေါက် ဈေးရှိကြောင်း ၎င်းင်းက ဆက်လက်ပြောသည်။
ရွှေပြည်သာမြို့နယ်ရှိ အိမ်၊ ခြံ၊ မြေဈေးနှုန်းမှာ ၂၀၁၀ ခုနှစ်တွင် တစ်ကြိမ်၊ ၂၀၁၁ ခုနှစ် ၆ လပိုင်းဝန်း ကျင်တွင်တစ်ကြိမ် ဈေးနှုန်းမြင့်တက်ခဲ့ပြီး ၂၀၁၂ ခုနှစ် ၆ လပိုင်းမှ စ၍ ဈေးနှုန်းမြင့်တက်လာခဲ့ခြင်း မရှိတော့ဘဲ လက်ရှိအချိန်တွင် အိမ်၊ ခြံ၊ မြေဈေးနှုန်းမှာ အနည်းငယ်မျှသာ အပြောင်းအလဲဖြစ်ပေါ်မှုရှိကြောင်း အဆိုပါနေရာတွင် နေထိုင်သူတို့ထံမှ စုံစမ်းသိရှိရသည်။
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
