ရန်ကုန်တိုင်းဒေသကြီးမှာ Stay at Home နှစ်ပတ်တာကာလအတွင်း အလုပ်သမားတွေအနေနဲ့ လူမှုဖူလုံရေးကြေး အနည်းဆုံးကျပ်ငါးသောင်း ကျော်ရရှိမှာဖြစ်တယ်လို့ အလုပ်သမား၊ လူဝင်မှုကြီးကြပ်ရေး နှင့်ပြည်သူ့ အင်အားဝန် ကြီး ဌာနအမြဲတမ်းအတွင်းဝန် ဦးမျိုးအောင်ကပြောပါတယ်။
ဝန်ကြီးဌာနအနေနဲ့ Stay at Home နှစ်ပတ်တာကာလအတွင်း အလုပ်သမားတွေကို လူမှုဖူလုံရေးကြေးပေးဖို့ ကျပ် (၆၀) ဘီလီယံ ကျော်အသုံးပြုသွားဖို့မှန်းထားတယ်လို့ဆိုပါတယ်။"လူမှုဖူလုံရေးကြေးပေးမယ်ဆိုတာ တို့ဌာနကကြေညာပြီးပြီ။
အလုပ်ရှင် တွေကနေတစ်ဆင့်ပေးသွားမှာ။ ထည့်ဝင်ကြေး အပေါ်မှာမူတည်တာ အနည်းဆုံးအခကြေးငွေနဲ့ထည့်ထားလား ။ဒါဆိုငါးသောင်းကျော် ရမှာပေါ့။ ဒီထက်ပို ထည့်ရင်ပိုရမယ်။ လူမှုဖူလုံရေး ကြေးထည့်ထားရင် ဝန်ကြီးဌာနကလူမှုဖူလုံရေးကြေးရမယ်။
လူမှုဖူလုံရေး မထည့်ထားတဲ့ အလုပ်သမားတွေကို နိုင်ငံတော်က ရန်ကုန်တိုင်းအစိုးရအဖွဲ့ကပေးမှာ။ တစ်မျိုးပဲ ရမယ်။ နှစ်ပတ်စာကို လနဲ့ခြုံပေးမှာ။ လုပ်ခလစာရဲ့ ၄၀ ရာခိုင်နှုန်းပေါ့။ တို့ဝန်ကြီးဌာနက ဘီလီယံ (၆၀) ကျော်မှန်း ထားတယ်" လို့ ဦးမျိုးအောင်ကပြောပါတယ်။
လူမှုဖူလုံရေးကြေးထည့်ဝင်ထားတဲ့အလုပ်သမားတွေအနေနဲ့ ဝန်ကြီးဌာန ကအလုပ်ရှင်တွေကနေတစ်ဆင့် ထည့်ဝင်ကြေးအပေါ် မူတည်ပြီး ပေးသွားမှာဖြစ်သလိုလူမှုဖူလုံကြေးမထည့်ထားတဲ့အလုပ်သမားတွေကိုတော့ နိုင်ငံတော်အစိုးရ (ရန်ကုန်တိုင်းအစိုးရအဖွဲ့) ကထောက်ပံ့ ကြေးပေးသွားမှာဖြစ်ပါတယ်။
ရန်ကုန်တိုင်းဒေသကြီးမှာ လူမှုဖူလုံကြေးထည့်ဝင်ထားတဲ့လုပ်သား (၉) သိန်းကျော်ရှိပြီး Stay at homeကာလ အတွင်း ဒီလုပ်သားတွေအတွက် အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနက အလုပ် ရှင်တွေကနေတစ်ဆင့် လူမှုဖူလုံရေးကြေးအနည်းဆုံးကျပ် ငါးသောင်းကျော်ပေးသွားမှာ ဖြစ်တယ်လို့သိရပါတယ်။
နောက်ဆုံးရ သတင်းများ
Credit : One News Myanmar
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
