တံတားဦးဟိုတယ်ဇုန်စီမံကိန်းကို မိုးရာသီမရောက်မီ လပိုင်းအတွင်း စတင်အကောင်အထည်ဖော်ဆောင်ရွက်တော့မည်ဖြစ်ကြောင်း ဟိုတယ်ဇုန်ဥက္ကဋ္ဌ ဦးမြင့်အောင်က ပြောသည်။
တံတားဦးဟိုတယ်ဇုန်စီမံကိန်းဖွံ့ဖြိုးအောင်မြင်ရေးလုပ်ဆောင်ရန် ရန်ကုန်၊မန္တလေး ၊ ပုဂံဟိုတယ်ဇုန်များမှ ဇုန်ဥက္က္ကဋ္ဌ၊ အဖွဲ့ဝင်များပါဝင်သည့် အများပိုင်ကုမ္ပဏီ ဖွဲ့စည်းပြီးဖြစ်ပြီး ယခုလအတွင်း အစုရှယ်ယာများ စတင်ရောင်းချမည်ဖြစ်ကြောင်း ဦးမြင့်အောင်ကဆိုသည်။
စီမံကိန်းအတွင်းပါဝင်မည့် မြေယာများအတွက် လျော်ကြေးမပေးအပ်ရသေးသော်လည်း တောင်သူများနှင့် လျော်ကြေးငွေကိစ္စ ညှိနှိုင်းအဆင်ပြေနေပြီဖြစ်သည်ဟု ဦးမြင့်အောင်ကပြောသည်။
မန္တလေးတိုင်းဒေသကြီးအစိုးရ စိုက်ပျိုးရေးနှင့်မွေးမြူရေးဝန်ကြီး ဦးမြင့်သန်းက ဟိုတယ်ဇုန်အတွင်း ပါဝင်မည့် မြေယာလျော်ကြေးအတွက် တောင်သူတစ်ဦးချင်းနှင့် ညှိနှိုင်းနေကြောင်း မတ်လ အတွင်းက ပြောသည်။
အင်းဝမြို့ဟောင်းအနီး အကောင်အထည်ဖော်မည့် တံတားဦးဟိုတယ်ဇုန်စီမံကိန်း ဖွံ့ဖြိုးရေးအများပိုင် ကုမ္ပဏီတွင် အဖွဲ့ဝင်အဖြစ်ပါဝင်သည့် ပုဂံဟိုတယ်ဇုန်ဥက္ကဋ္ဌ ဦးသန်းရွှေက ပြောသည်။
တံတားဦးဟိုတယ်ဇုန်စီမံကိန်းကို မန္တလေးတိုင်းဒေသကြီး တံတားဦးမြို့နယ်၊ ကူတို့ဆိပ်ရွာအနီး မြေဧက ၅၄၈၈ ပေးတွင် အကောင်အထည် ဖော်ဆောက်လုပ်မည်ဖြစ်သည်။
မကြာမီနှစ်များအတွင်း ဖြစ်ပေါ်မည့် ဟိုတယ်လိုအပ်ချက်ကို ဖြည့်ဆည်းနိုင်ရန်နှင့်တိုင်းဒေသကြီးအတွင်း စဲီးပွားရေးနှင့် အလုပ်အကိုင်အခွင့်အလမ်းများ တိုးတက်ရရှိစေရန်အတွက် တံတားဦးဟိုတယ်ဇုန်စီမံကိန်း ဆောက်လုပ်ရန် တိုင်းဒေသကြီး အစိုးရအဖွဲ့က စီစဉ်ခြင်းဖြစ်သည်။
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
