(၁) အပျောက်တိုက်ခန်း
 
အပျောက်တိုက်ခန်းဆိုသည်မှာ ယင်းတိုက်ခန်းအား တန်ဖိုးတစ်ရပ်ဖြင့်ပေးဝယ်၍ နေထိုင်ခွင့်နှင့် ထပ်ဆင့်လွဲှပြောင်း ငှားရမ်းပိုင်ခွင့်ရှိသော အိမ်ငှား ( TANANT) တစ်ဦးဖြစ်ပါသည်။ ၁၉၆၀ ပြည့်နှစ်၊ မြို့ပြဆိုင်ရာငှားရမ်းခ ကြီးကြပ်ရေးအက်ဥပဒေနှင့် အကျုံးဝင်သဖြင့် ဝယ်ယူသူသည် မြေရှင်အား အိမ်လခပေးရန်နှင့် ယင်းဥပဒေကို လိုက်နာရပါမည်။
 
(၂) အပျောက်တိုက်ခန်း အမျိုးအစားများ
 
(က) ပုဂ္ဂလိကတိုက်ခန်း
 
ပုဂ္ဂလိက ပိုင်မြေကွက်ပေါ်တွင် ပုဂ္ဂလိကပိုင်ငွေဖြင့်ဖြစ်စေ၊ ကန်ထရိုက်တာနှင့် အခန်းပေးအခန်းယူ ဆောက် လုပ်သည့်တိုက်ခန်းများဖြစ်ပြီး မြေရှင်အား အိမ်လခပေးနေရသော အခန်းများဖြစ်ပါသည်။ အိုးအိမ်မှ ပုဂ္ဂလိက သို့အပြီးအပြတ် ရောင်းချသော အခန်းများလည်းပါဝင်ပါသည်။ ယင်းတိုက်ခန်းအများကိုမူ အိမ်လခ တောင်းခံခြင်းမပါ။
 
(ခ) ပြည်သူပိုင်မှ ပြန်ပေးသောတိုက်ခန်း
 
ပြည်သူပိုင် သိမ်းယူသော တိုက်ခန်းများအနက် နိုင်ငံတော်မှ အသုံးပြုရန် မလိုအပ်သည့် အခန်းများအား ပြန် လည် စိစစ်၍ မူလပိုင်ရှင်များအား ပြန်လည်လွဲှပြောင်းပေးအပ်သည့် အခန်းအမျိုးအစားဖြစ်ပါသည်။
 

(ဂ) စည်ပင်မှ ယာယီထိန်းသိမ်းထားသည့် တိုက်ခန်း
 
တိုက်ခန်းနေထိုင်သူမှ ကြွေးမဆပ်နိုင်သဖြင့် စည်ပင်က ယာယီထိန်းသိန်းထားသည့် အခန်းဖြစ်ပြီး စည်ပင်ကြွေး ကို အိမ်ငှား (တိုက်ခန်းအပျောက်ဝယ်သူ) မှ ပေးဆပ်ရပြီးတိုက်ပိုင်ရှင်သို့ အိမ်လခပေးရန် မလိုဘဲ စည်ပင်ခွန် များကိုသာ ပေးဆောင်နေရသည့် အခန်းအမျိုးအစားဖြစ်ပါသည်။
 
(ဃ) ဘာသာရေးပိုင်အခန်းများ
 
ဗလီဝကဖ်အခန်းများ၊ ဟိန္ဒူဘုရားကျောင်းပိုင် အခန်းများ၊ တရုတ်ဘုံကျောင်းပိုင်အခန်းများအား အပျောက်စနစ် ဖြင့် ရောင်းချပြီး ရရှိသည့်ငွေများ အိမ်လခများကို ဘာသာရေးရန်ပုံငွေအဖြစ်အသုံးပြုသည့်အခန်း များဖြစ်ပါ သည်။ အဆိုပါအခန်းများ ရောင်းချခြင်း ဝယ်ယူခြင်း ပိုင်ဆိုင်မှုအမည်ပြောင်းခြင်းများကို သက်ဆိုင်ရာ ဂေါပက အဖွဲ့ လူကြီးမများက စီမံခန့်ခွဲကြပါသည်။
 
(င) ပြည်သူပိုင် (သို့) အစိုးရပိုင်အခန်းများ
 
၁ - အိုးအိမ်ခန်း
 
နိုင်ငံတော်ပိုင်မြေပေါ်တွင် နိုင်ငံတော်ပိုင်ငွေဖြင့် ဆောက်လုပ်ပြီး ဝန်ထမ်းများ အားနေထိုင်ခွင့် အငှားချထားသော အခန်းမျိုးဖြစ်သည်.( ဥပမာ- ဦးဝိစာရအိမ်ရာ၊ ရန်ကင်းအိမ်ရာ၊ဖဆပလ အိမ်ယာ) ထို့အပြင် ယခင်တိုင်းပြည်သူ့ ကောင်စီမှ ထိန်းသိမ်းထားသော ပြည်သူပိုင်အခန်းများအား အိုးအိမ်သို့ လွဲှအပ်ပေးလိုက်သော အခန်းများပါဝင်ပါသည်။
 
၂- ဌာနဆိုင်ရာအခန်းများ
 
အစိုးရဌာနဆိုင်ရာ အဖွဲ့အစည်းအသီးသီးတို့မှာ မိမိတို့ ဝန်ထမ်းများနေထိုင်ရေးအဆင်ပြေစေရန်အတွက် နိုင်ငံတော်မှ စီစဉ်ဆောက်လုပ်ပေးသော အဆောက်အဦးတိုက်ခန်းဖြစ်ပါသည်။ ပြည်သူပိုင်အဖြစ်ပြုလုပ်ထားသော အခန်းများပါဝင်ပါသည်။
 
၃- တိုင်းချခန်း
 
ယခင်အတိုင်းလုံခြုံရေးနှင့် အုပ်ချုပ်မှုကော်မတီ တစ်ဖန်တိုင်းပြည်သူ့ကောင်စီသည် တိုင်းအဆင့်စီမံခန့်ခွဲမှု၊ အုပ် ချုပ်မှုအဖွဲ့အစည်းမှ ပုဂ္ဂိုလ်များအား ချပေးသောအခန်းဖြစ်ပါသည်။
 

၄- နိုင်ငံခြားပြန်အခန်း
 
နိုင်ငံခြားသားပိုင်အခန်းဖြစ်ပြီးမိမိတို့၏ နိုင်ငံသို့အပြီးအပိုင်ပြန်ကြရာတွင် ယင်းအခန်းများ နိုင်ငံတော်သို့ အပ်နံှခြင်း (သို့) နိုင်ငံတော်မှ သိမ်းယူထားသော အခန်းဖြစ်သည်။
 
၅- စည်ပင်ယာယီထိန်းအခန်း
 
စည်ပင်သာယာရေးကော်မတီ၏ စည်းကမ်းချက်များ ဥပဒေပြဌာန်းချက်များနှင့် မကိုက်ညီခြင်း ညွှန်ကြားချက် များအား မလိုက်နာခြင်းတို့ကြောင့် စည်ပင်သာယာရေးကော်မတီမှ ယာယီထိန်းသိမ်း ထားသောအခန်း ဖြစ်ပါသည်။
 
(စ) အခြားအခန်းများ
 
ပြစ်မှုဆိုင်ရာဥပဒေတစ်ရပ်ရပ်အရ ( မူးယစ်ဆေးဝါး၊ ချဲ၊ထီ စသည့်) အရေးယူခံရပြီး နိုင်ငံဘဏ္ဍာအဖြစ် သိမ်းယူခြင်းခံရသည့်အခန်းများဖြစ်သည်။
 
ဖတ်ရှုမှုအများအဆုံး အိမ်ခြံမြေဗဟုသုတများ

အိမ်ငှားတိုင်းသိသင့်တဲ့ အချက်(၃) ချက်

မြေဂရန်သက်တမ်း ကုန်ဆုံးသွားတဲ့ အိမ်မြေကို အမွေဆက်ခံခွင့်ရှိပါသလား ။ သက်တမ်းကုန်သွားတဲ့ အိမ် မြေကိုဂရန်ကို ဘယ်လိုပြန်လျှောက်ရမလဲ

အိမ်နှင့်မြေ သို့မဟုတ် မြေကွက်ဝယ်ယူရာတွင် ဝယ်ယူသူအနေဖြင့် အလေးအနက် ဂရုပြုသင့်သော အချက်များ

အိမ် ခြံ မြေ ဝယ်ယူလိုသူများ သတိပြုစရာ လယ်ယာမြေကို ဝယ်ပြီး အကွက်ရိုက်ပြုပြင် ရောင်းချမည်ဆိုလျှင်
 
Ref By: DVD Law Lab
Posted By: Ra Wai (ShweProperty.com)