အိမ်နဲ့ အိမ်ပတ်ဝန်းကျင် အနီးမှာရှိတဲ့ အင်းဆက်ပိုးမွှားတွေကို သဘာဝနည်းလမ်းနဲ့ ကင်းဝေးအောင် လုပ်လို့ရပါတယ်။
ဓာတုဆေးဝါးတွေနည်းတူ အသုံးဝင်ပြီး သင်နဲ့ သင့် မိသားစုအတွက် အန္တရာယ်ကင်းတဲ့ သဘာဝနည်းလမ်းလေးတွေကို ဖော်ပြပေးပါမယ်။

၁။ ပိုးဟပ်

ပိုးဟပ်က အစာနဲ့ရေ ရှိတဲ့ နေရာမှာပဲ နေလို့ သူတို့အတွက် စားစရာ မရှိဘူးဆိုရင် ထွက်တောင်လာမှာ မဟုတ်ပါဘူး။ ပိုးဟပ် ပြသနာကို ဖြေရှင်းဖို့အတွက် ပိုးဟပ်ထောင်ချောက်တစ်ခုပြုလုပ်ပါ။ ဘယ်လိုပြုလုပ်ရမလဲဆိုတော့ အရင်ဆုံး အချိုရည်ပလတ်စတစ်ဗူး အလွတ်ကိုယူပါ။ ထိပ်ပိုင်းကိုဖြတ်ပြီး ပုံမှာ ပြထားတဲ့အတိုင်း တပ်ဆင်ပါ။ ဘေးအစွန်းပတ်ပတ်လည်ကို တိတ်နဲ့ကပ်ပါ။ ရေ အနည်းငယ်ထည့်ထားပြီး ထောင်ချောက်ကို ပိုးဟပ်ပေါတဲ့နေရာမှာ ချထားပါ။ ဒါဆို ပိုးဟပ်တွေက ထောင်ချောက်ထဲကို ဝင်ပြီး အပြင်ပြန်မထွက်နိုင်တော့ပါဘူး။


၂။ ခြင်

အင်းဆက်ပိုးမွှားတွေသေစေတဲ့ စပါးလင်မွှေး (citronella)နဲ့ စပါးလင် essential oils တို့က ခြင်ပြေးတယ်လို့ လူသိများပါတယ်။ အုန်းဆီထဲမှာ essential oils တစ်စက်နှစ်စက်ချပြီး ရောသမမွှေရမှာပါ။ ပြီးမှ အရေပြားပေါ် လိမ်းပေးထားရင် ခြင်ပြေးပါတယ်။

၃။ ပုရွက်ဆိတ်

ခွဲစိတ်ခန်းသုံး အရက်ပျံ လက်ဖက်ရည်ဇွန်း ၁ ဇွန်း ၊ ပန်းကန်ဆေးဆပ်ပြာရည် လက်ဖက်ရည်ဇွန်း ၁ ဇွန်း နဲ့ ရောပြီး စပရေးဗူးထဲထည့်ပါ။ အမြှုပ်ထတဲ့အထိ လှုပ်ပေးပြီး ပုရွက်ဆိတ် လမ်းကြောင်း ရှိတဲ့ နေရာမှာ ဖြန်းပေးပါ။

၄။ ပျား

အိမ်ထဲမှာ ပျားအုံရှိလို့ စိတ်ညစ်နေရတယ်ဆိုရင် ပျားအုံရှိတဲ့ နေရာကို သံပုရာရည် အဆီနဲ့ဖြန်းပါ။ ရှောက်သီး ၊ သံပုရာသီး နဲ့ လိမ္မော်သီး တို့ကို အကွင်းလိုက် ကွင်းပြီး ရေထဲမှာ ၁၀ မိနစ် ၊ ၁၅ မိနစ်လောက်ပြုတ်ပါ။ စပရေးဗူးထဲထည့်ပြီး ပျားအုံရှိတဲ့နေရာမှာ ဖြန်းထားပါ။


၅။ နဂျယ်ကောင်

နဂျယ်ကောင် တွေက အိမ်တွေထဲမှာ ရွှံ့နဲ့ နဂျယ်အိမ်လာဆောက်တတ်ပါတယ်။ ဒီလိုမျိုး အမြင်ဆိုးတဲ့ နဂျယ်အိမ်တွေ မရှိစေချင်ရင်တော့ ပန်းကန်ဆေးဆပ်ပြာရည် စားပွဲတင်ဇွန်း ၂ ဇွန်းကို ရေနဲ့ရောပြီး စပရေးဗူးထဲ ထည့်ဖြန်းပါ။

၆။ကြမ်းပိုး

ယူကလစ်ဆီ ၁၀ စက်ကို ရေတစ်ခွက်ထဲ ထည့်ရောပြီး မွှေပါ။ စပရေးဗူးထဲ ထည့်ပြီး အိပ်ရာခင်းတွေပေါ်ဖြန်းပါ။

လေ့လာမှတ်သားစရာ အိမ်ခြံမြေဆောင်းပါးများ

အိမ်ကလေး ပြင်တော့မယ်ဆိုရင်

သင့်အိမ်မှာ လျှပ်စစ်အန္တရာယ်မဖြစ်အောင် မီးပလပ်ပေါက်နဲ့ မီးခလုတ်တွေကို ဘယ်လိုထားမလဲ?

အိမ်တွင်းစိုက်ပျိုးတဲ့ အပင်များနဲ့ အလင်းရောင်လိုအပ်ချက်

အိပ်ခန်းနံရံတွေကို ဘာအရောင် သုတ်သင့်သလဲ

Credit By: Myanmar fantasticnews
Posted By : Ra Wai, ShweProperty.com