ရန်ကုန်မြို့ပြဖွံ့ဖြိုးမှု မဟာဗျူဟာစီမံကိန်းအရ မရမ်းကုန်း၊ အင်းစိန်၊ ရန်ကင်း၊ သန်လျင်၊ ကျောက်တန်း၊ ဒဂုံမြို့သစ်မြောက်ပိုင်းနှင့် အရှေ့ပိုင်းရှိ မြေဧရိယာ ဧက ၉၀၀ တွင် မြို့ပြဖွံ့ဖြိုးရေးလုပ်ငန်းများ အကောင်အထည်ဖော်ရန် စီစဉ်နေကြောင်း စီမံကိန်း ရေးဆွဲမှုများအရ သိရသည်။
ယင်းစီမံကိန်းတွင် မြို့သစ်များဖွံ့ဖြိုးတိုးတက်မှုကို အလေးပေးထားပြီး ဗဟိုခွဲများ၊ မြို့သစ်များ၊ ရထားဘူတာရုံများ၊ စက်မှုဇုန်များ ပါဝင်ရန် သတ်မှတ်ထားကာ ဗဟိုခွဲများ ဖွံ့ဖြိုးတိုးတက်မှုအဖြစ် မရမ်းကုန်းမြို့နယ်ရှိ မင်းဓမ္မ ဒုတိယ ဗဟိုစီးပွားရေးဇုန် ဖွံ့ဖြိုးတိုးတက်ရေးစီမံကိန်း (Secondary CBD) ဧရိယာ ၅၀ ဧကကို ကာလတိုစီမံကိန်းအဖြစ် ကုန်သွယ်မှုစင်တာများ၊ ဘဏ်လုပ်ငန်းများ၊ စီမံအုပ်ချုပ်ခြင်းများ အကောင်အထည်ဖော်ရန်၊ အင်းစိန်မြို့နယ်ရှိ မင်းဓမ္မ (Secondary CBD) ဧရိယာ ၁၅၀ ဧကကို ကာလလတ်စီမံကိန်းအဖြစ် ကုန်သွယ်မှုစင်တာများ၊ ဘဏ်လုပ်ငန်းများ၊ စီမံအုပ်ချုပ်ခြင်းများ အကောင်အထည်ဖော်ရန် သတ်မှတ်ထားသည်။
ထို့အတူ ရန်ကင်းမြို့နယ်ရှိ ရန်ကင်း ဗဟိုခွဲဇုန် ဖွံ့ဖြိုးတိုးတက်မှုစီမံကိန်း (Yankin Sub – center) ဧရိယာ ဧက ၂၀၀ ကို ကာလ တိုစီမံကိန်းအဖြစ် ကုန်သွယ်ရေးလုပ်ငန်းများ၊ စီးပွားရေးလုပ်ငန်းများ၊ ခရီးသွားလုပ်ငန်းများနှင့် အခြားလုပ်ငန်းများဖြင့် အ ကောင်အထည်ဖော်ရန်၊ သန်လျင်မြို့နယ်ရှိ Thilawa SEZ Sub-center ဧရိယာ ဧက ၁၀၀ ကို ကာလတိုစီမံကိန်း၊ ကျောက်တန်းမြို့ နယ်ရှိ Thilawa SEZ Sub-center ဧက ၂၀၀ ကို ကာလရှည်စီမံကိန်းအဖြစ် R&D ၊ ကုန်စည်ပို့ဆောင်ရေး၊ အိုင်တီဆော့ဝဲများ ဖွံ့ဖြိုးတိုးတက်ရေး အကောင်အထည်ဖော်ရန်၊ ဒဂုံမြို့သစ်မြောက်ပိုင်းမြို့နယ်ရှိ ဒဂုံမြို့သစ် Sub-Center ဧရိယာ ဧက ၁၀၀ ကို ကာလလတ် စီမံကိန်းအဖြစ် ဟိုတယ်များ၊ အားကစားနှင့် အပန်းဖြေ R&D လုပ်ငန်းများအဖြစ် အကောင်အထည်ဖော်ရန်၊ ဒဂုံမြို့သစ်တောင်ပိုင်းမြို့နယ်ရှိ ဒဂုံဆိပ်ကမ်း၊ Sub-Center ဧရိယာ ဧက ၁၀၀ ကို ကာလလတ် စီမံကိန်းအဖြစ် အပန်းဖြေခြင်း၊ ပြည်တွင်းဆိပ်ကမ်းများ၊ စီးပွားရေးလုပ်ငန်းများအဖြစ် အကောင်အထည်ဖော်ရန် သတ်မှတ်ထားသည်။
ထို့ပြင် မြို့သစ်ဗဟိုဖွံ့ဖြိုးမှုများအဖြစ် တွံတေးမြို့နယ်ရှိ ဧရိယာ ၁၂၅ ဧကပါဝင်သော ကြည့်မြင်တိုင်မြို့သစ်စီမံကိန်းကို ကာလတိုစီမံကိန်း၊ ကြည့်မြင်တိုင်မြို့နယ်ရှိ ဧရိ ယာ ၁၂၅ ဧကပါဝင်သော ကြည့်မြင်တိုင် မြို့သစ်စီမံကိန်းကို ကာလလတ်စီမံကိန်းအဖြစ် မှီခိုခြင်းကင်းသော အရန်မြို့၊ ပညာရေးမြို့တော်တွင် မြေအောက်ရထား၊ ဓာတ်ရထား နှင့် အဝေးပြေးလမ်းများဖြင့် ဆောင်ရွက်ရန်၊ ဒဂုံမြို့သစ်အရှေ့ပိုင်းမြို့နယ်ရှိ ဧရိယာ ၂၅၀ ဧကပါဝင်သော ဒဂုံအရှေ့မြို့သစ်စီမံကိန်းကို ကာလလတ်စီမံကိန်းအဖြစ် မှီခိုခြင်းကင်းသော အရန်မြို့၊ သုတေသနမြို့တော်အဖြစ် ဆောင်ရွက်ရန်၊ ဒလမြို့နယ်ရှိ ဧရိယာ ၁၂၅ ဧကပါဝင်သော ဒလမြို့သစ်စီမံကိန်းကို ကာ လလတ်စီမံကိန်းအဖြစ် ဗဟိုစီးပွားရေးဒေသ နှင့် ချိတ်ဆက်ထားသော ဆက်သွယ်သွားလာနိုင်သည့် မြို့တော်အဖြစ် ဆောင်ရွက်ရန် စီစဉ်ထားသည်။
အဆိုပါ ရန်ကုန်မြို့ပြဖွံ့ဖြိုးမှုမဟာဗျူဟာစီမံကိန်းတွင် ဘူတာရုံဧရိယာ ဖွံ့ဖြိုးမှုစီမံကိန်းများလည်း ပါဝင်ပြီး မြေ ၃၈ ဧကရှိ ရန်ကုန်ဘူတာကြီး၊ မြေ ၁၃ ဧကရှိ ကြည့်မြင်တိုင် ဘူတာ၊ မြေဧက ၁၀၀ ရှိ မလွှကုန်းဘူတာ၊ မြေဧက ၅၀ ရှိ အင်းစိန်ဘူတာ၊ မြေ ၂၅ ဧက ရှိ ရေကူးဘူတာ၊ မြေ ၁၂၅ ဧကရှိ မင်္ဂလာဒုံဘူတာ၊ မြေ ၂၅ ဧကရှိ ဒညင်းကုန်းဘူတာ စသည်တို့တွင် ကာလတို၊ ကာလလတ်စီမံကိန်းများဖြင့် ဖွံ့ဖြိုးရေးလုပ်ငန်းများ ဆောင်ရွက်သွားမည်ဖြစ်ကြောင်း သိရသည်။
Ref & Photo Credit : Eleven Media
Posted By : Ra Wai (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
