ရန်ကုန်မြို့သစ်စီမံကိန်းတွင် လျှပ်စစ်မီးနှင့် သဘာဝဓာတ်ငွေ့ကဏ္ဍအတွက် ထိုင်းနိုင်ငံအခြေစိုက် PTT/PTTEP/GPSC တို့ ပါဝင်သည့် PTT Groupနှင့် အိန္ဒိယနိုင်ငံအခြေစိုက် Indraprastha Gas Limited and Gail Consortium (IGL Consortium) တို့ အား ရွေးချယ်ထားကြောင်း ရန်ကုန်မြို့သစ်ဖွံ့ဖြိုးရေးကုမ္ပဏီ (NYDC)မှ သိရသည်။
Power Supply and Distribution ကဏ္ဍအတွက် PTT Groupနှင့် Natural Gas Supply and Distribution ကဏ္ဍအတွက် IGL Consortium ကို ရွေးချယ်ထားခြင်းဖြစ်ပြီး ယင်းကုမ္ပဏီများအနေဖြင့် NYDC Challenge တင်ဒါလုပ်ငန်းစဉ်အရ စီမံကိန်း အကြိုအဆိုပြုလွှာ (Pre Project Documents-PPD)ပြင်ဆင်ရန်အတွက် လိုအပ်သည့်အစီအစဉ်နှင့် လေ့လာမှုများ ပြုလုပ်နိုင်ရန် NYDCနှင့် ဆက်လက်ဆွေးနွေးသွားရမည်ဖြစ်သည်။
NYDC ၏ ဒုတိယဥက္ကဋ္ဌနှင့် CEOဖြစ်သူ ဦးသိမ်းဝေက " ရွေးချယ်ခံရတဲ့ PTT Group နဲ့ IGL Consortiium တို့ကို ဂုဏ်ယူ ဝမ်းမြောက်ကြောင်း ပြောကြားလိုပါတယ်။ ကျန်ရှိနေတဲ့ ကဏ္ဍတွေထဲက Cyber Connectivity Infrastructure ကဏ္ဍအတွက် လည်း စိစစ်မှုတွေ စတင်လုပ်ဆောင်နေပြီဖြစ်ပြီး စိစစ်မှုတွေ ပြီးသွားတဲ့အချိန်မှာ ကြေငြာပေးသွားပါမယ်" ဟု NYDC CEO အပတ်စဉ်စာစဉ် (၂၉) တွင် ပြောကြားထားသည်။
ယခုနှစ် ဖေဖော်ဝါရီလ (၁၁) ရက်က ရန်ကုန်မြို့သစ် ပထမအဆင့် Stage-2 အခြေခံအဆောက်အဦစီမံကိန်းလုပ်ငန်းများ အကောင်အထည်ဖော်နိုင်ရေးအတွက် Stage-2 အခြေခံအဆောက်အဦစီမံကိန်းများဖြစ်သည့် (၁) Power Supply and Distribution ၊ (၂) Naturall Gas Supply and Distribution (၃) Cyber Connectivity (၄) Public Transport (၅) Waste Managementနှင့် (၆) Convention Center တို့အတွက် လုပ်ငန်းဆောင်ရွက်လိုမှု အဆိုပြုလွှာ (Expression of Interest) ကို ကြေညာခဲ့သည်။
NYDC အနေဖြင့် သက်ဆိုင်ရာကဏ္ဍအလိုက် EOI တင်သွင်းမှု (၇၇)ခုကို ကုမ္ပဏီ/အဖွဲ့အစည်းပေါင်း (၄၅)ခုထံမှ လက်ခံရရှိ ထားပြီး EOI များကို မျှတပြီး ပွင့်လင်းမြင်သာစွာ ရွေးချယ်နိုင်ရေးအတွက် Infrastructure Asia (IA)အဖွဲ့နှင့် ပူးပေါင်းဆောင်ရွက် ခဲ့ကြောင်း သိရသည်။
IA သည် စင်ကာပူနိုင်ငံ ကုန်သွယ်ရေးနှင့် စက်မှုဝန်ကြီးဌာန လက်အောက်ရှိ Enterprise Singaporeနှင့် ဘဏ္ဍာရေးဝန်ကြီးဌာန လက်အောက်ရှိ Monetary Authority of Singapore တို့မှ ဒေသတွင်းအခြေခံအဆောက်အဦတည်ဆောက်ရေးအတွက် ငွေကြေးမတည်ရာတွင် အထောက်အကူပြုနိုင်ရန်နှင့် အခြေခ့အဆောက်အဦများ ပိုမိုဖွံ့ဖြိုးတိုးတိက်လာစေရန် ရည်ရွယ်ထားသည့် အဖွဲ့အစည်းတစ်ခုဖြစ်သည်။
အဆိုပါ အဖွဲ့အစည်းအနေဖြင့် EOI များအား အကောင်းဆုံး၊ အသင့်လျှော်ဆုံး အရည်အချင်းပြည့်မီသည့် ကုမ္ပဏီကို မျှတပြီး ပွင့်လင်းမြင်သာစွာမှုရှိစွာရွေးချယ်နိုင်ရေးအတွက် NYDC အား နည်းပညာပိုင်းဆိုင်ရာ ပ့ံ့ပိုးမှုကဏ္ဍတွင် မဟာဗျူဟာကျကျ ပူးပေါင်ဆောင်ရွက်ရန် သဘောတူညီမှု ရရှိထားကြောင်း သိရသည်။
Ref & Photo Credit By :BETV News
Posted By : Ra Wai (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
