ရန်ကုန်မြို့ရှိ ကွာရန်တင်းစင်တာများတွင် အသွားအလာကန့်သတ်စောင့်ကြပ်ထားသူများမှာ ပြီးခဲ့ သော ရက်ပိုင်းက လူဦးရေ ၁၀၀၀၀ ဝန်းကျင်ရှိခဲ့ရာမှ လက်ရှိတွင် ၇၀၀၀ခန့်သာရှိတော့ကြောင်း ရန်တိုင်း ဒေသ ကြီး ကျန်းမာရေးဦးစီးဌာနနှင့်ပူးပေါင်း၍ ကိုဗစ်ကာလ၌ ကွာရန်တင်းထားရှိရေး လုပ်အားပေး ကူညီဆောင် ရွက်နေသည့် အဖွဲ့၏ တာဝန်ရှိသူ ရန်ကုန်တိုင်းဒေသကြီး လူငယ်ရေးရာအဖွဲ့ကော်မတီ အတွင်းရေး မှူး ကိုဒီငြိမ်းလင်းက ပြောသည်။
ရန်ကုန်မြို့တွင် Covid -19 ရောဂါပိုးတွေ့ရှိသူ အတည်ပြုလူနာများမှာ နေစဉ်ရာနှင့် ချီနေသော်လည်း ကူး စက်မှုမြင့်တက်ခဲ့သည့် ကာလမှာ တစ်လကျော်ကြာမြင့်လာပြီးဖြစ်သည့်အတွက် ပိုးတွေ့လူနာများနှင့် ထိတွေ့ ဆက်စပ်မှုများမှာလည်း နည်းလာသည့်အပြင် အစောပိုင်း ကွာရတ်တင်း ထားရှိသူများမှာလည်း ရက်ပြည့်သဖြင့် အသုတ်လိုက် ဆင်းဆင်းနေရသောကြောင့် ကွာရန်တင်းထားရှိသူများ လျော့နည်းလာ ခြင်းဖြစ်ကြောင်း သိရသည်။
''ကွာရန်တင်းဝင်တဲ့သူတွေက ပြကန်တော့ လျော့သွားပြီ။ ဟိုတစ်လောကလောက် မများတော့ဘူး။ ဘာလို့ ဆိုတော့ ပထမအသုတ်က ပြန်ထွက်သွားပြီဆိုတော့လေ။ ၆၀၀၀ ၊ ၇၀၀၀ လောက်ရှိမယ်။ စာရင်းတွေက များတော့ အတိအကျပြောဖို့ ခက်တယ်။ ၇၀၀၀ ဝန်းကျင်လောက် ရှိအုံးမယ်'' ဟု ယင်းကပြောသည်။
အစောပိုင်း၌ ကွာရန်တင်းဝင်နေသူများမှာ ပြီးခဲ့သော ရက်ပိုင်းအတွင်းက အသုတ်လိုက်ပြန်ဆင်း နေကြ ရပြီး ယမန်နေ့( စက်တင်ဘာလ ၂၄ရက်) တွင် ဒဂုံဆိပ်ကမ်းမြို့နယ်ရှိ ရိုးမရိပ်သာ အိမ်ရာ ကွာရန်တင်း စင်တာ တစ်ခုတည်းမှ ကွာရန်တင်းဝင်နေသူ ၁၂၀၀ ကျော်အထိ ပြန်သွားနိုင်ခဲ့ပြီဖြစ်ကြောင်း သိရသည်။
နောက်ဆုံးရ သတင်းများ
Ref & Photo Credit : Pyi Myanmar
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
