ရန်ကုန်မြို့လယ်တွင် တည်ဆောက်မည့် ရိုးမစင်ထရယ် စီမံကိန်းကို လေးနှစ်ကျော် အချိန်ယူတည်ဆောက်မည်ဟု Yoma Strategic Holding ကုမ္ပဏီမှ အိမ်ခြံမြေလုပ်ငန်း အကြီးအကဲ မစ္စတာ ဆိုင်းရပ်စ်ပန်က ပြောကြား သည်။
မီးရထားရုံးချုပ်ဟောင်းကို ပြန်လည်ပြင်ဆင်မည့် Peninsula ဟိုတယ်မပါဝင်ဘဲ အခြားအစိတ်အပိုင်းအားလုံးအတွက် ကန်ဒေါ်လာ သန်း ၆၀၀ ကျော် ကုန်ကျမည်ဖြစ်သည်။
အိမ်ခြံမြေနှင့် ဆောက်လုပ်ရေးလောကတွင် နာမည်ရလာသည့် ရိုးမက တည်ဆောက်မည့် စီမံကိန်းသည် မူလက Land MarkDevelopment စီမံကိန်းဆိုသောနာမည်မှ Yoma Central Project ဟု ပြောင်းလဲထားခြင်းဖြစ်သည်။
ဗိုုလ်ချုပ်အောင်ဆန်းလမ်း နှင့် ဆူးလေဘုရားလမ်းထောင့်ရှိ သမိုင်းဝင် မြန်မာ့မီးရထားရုံးချုပ်ဟောင်းကို ရှေးမူမပျက်ပြင်ဆင်၍ ဟိုတယ်အဖြစ် အကောင်အထည်ဖော်ခြင်းအပါအဝင် လူနေ အိမ်၊ ရုံးခန်းများပါဝင်သော Land Mark Development Yoma Central တည်ဆောက်ရေးစီမံကိန်း စတင်နေပြီဖြစ်သည်။
ရန်ကုန်မြို့လယ်ရှိ မြေ ၁၀ ဧကပေါ်တွင် လုပ်ဆောင်မည့် စီမံကိန်း၌ Peninsula ဟိုတယ် အပြင် ရုံးခန်းများပါရှိသော တာဝါနှစ်လုံး ၊ ဟိုတယ်တစ်လုံးနှင့် လူနေအိမ်ခန်း (Apartment) များ ပါဝင်မည်ဖြစ်သည်။
FMI ကုမ္ပဏီ၏ ယခုစီမံကိန်းသည် သန်လျင်မြို့နယ် စတားစီးတီး အိမ်ရာစီမံကိန်းကဲ့သို့ ရင်းနှီးမြှုပ်နှံမှု ပမာဏများပြားသည့် စီမံကိန်းဖြစ်ပြီး ဟိုတယ်နှင့် အဆောက်အအုံများ တည်ဆောက်မှုတွင် FMI အတွက် ပွဲဦးထွက် စီမံကိန်းဖြစ်သည်။
စီမံကိန်းတွင် မြန်မာဘက်မှ FMI က ၁၂ ရာခိုင်နှုန်းနှင့် Yoma Strategic က ၄၈ ရာခိုင်နှုန်းဖြင့် ရင်းနှီးမြှုပ်နှံမှု ၆၀ ရာခိုင်နှုန်းဖြစ် ပြီး ဂျပန်နိုင်ငံ မစ်ဆူဘီရှီကော်ပိုရေးရှင်းက ၃၀ ရာခိုင်နှုန်း၊ The International Finance Cor-poration (IFC)က ၅ ရာခိုင်နှုန်း၊ အာရှဖွံ့ဖြိုးရေးဘဏ် (ADB) က ၅ ရာခိုင်နှုန်းဖြင့် ပူးပေါင်းဆောင်ရွက်နေသည်။ Peninsula Yangon ဟိုတယ်စီမံကိန်းကို FMI က ၆ ရာခိုင်နှုန်း၊ Yoma Strategic က ၂၄ ရာခိုင်နှုန်း၊ Hongkong and Shanghai Hotels Limitedက ၇၀ ရာခိုင်နှုန်းဖြင့် ပူးပေါင်းဆောင်ရွက်ထားသည်။
Ref & Photo Credit : 7 Day Daily
Posted By : Myat Minn
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
